loader

កាណាដាគ្រោងទិញសម្លៀកបំពាក់ពីកម្ពុជាតម្លៃជាង៩១លានដុល្លារក្នុងឆ្នាំ២០១៩-២០២០

(ភ្នំពេញ)៖ ប្រទេសកាណាដា មានគម្រោងទិញផលិតផលសម្លៀកបំពាក់ពីកម្ពុជា ក្នុងតម្លៃទឹកប្រាក់ជាង ៩១លានដុល្លារអាមេរិក សម្រាប់ឆ្នាំ២០១៩ និង២០២០ ដែលខ្ពស់ជាងការបញ្ជាទិញពីប្រទេសចិន។ នេះបើតាមការឱ្យដឹងពីតំណាងក្រុមហ៊ុន Reitman’s Global Sourcing on Garment ជាដៃគូពាណិជ្ជកម្មដ៏សំខាន់មួយរបស់កម្ពុជា ដែលទំព័រហ្វេសប៊ុករបស់ក្រសួងពាណិជ្ជកម្មផ្សាយនៅថ្ងៃទី១៨ កក្កដា មិ្សលមិញ។

លោករដ្ឋមន្រ្តីស្ដីទី ឱក ប៊ុង បានថ្លែងអំណរគុណចំពោះលោក ហ្គារី រ៉ូស ដែលបានផ្តល់ទំនុកចិត្តមកលើការដឹកនាំរបស់រាជដ្ឋាភិបាលកម្ពុជា ពិសេសកិច្ចសហប្រតិបត្តិការសេដ្ឋកិច្ច និងដំណើការចរចាបង្កើតកិច្ចព្រមព្រៀងពាណិជ្ជកម្មសេរី អាស៊ាន-កាណាដា ដែលគាំទ្រដោយប្រទេសទាំងពីរ។

មន្រ្តីកម្ពុជាបានប្រាប់ភាគីកាណាដា អំពីវឌ្ឍនភាពសេដ្ឋកិច្ច និងកំណើននាំចេញរបស់កម្ពុជាក្នុងរយៈពេលពីរទសវត្សរ៍ចុងក្រោយ ដែលបានកើនចាប់ពីទឹកប្រាក់ ១ប៊ីលានដុល្លារអាមេរិក (២០០១) ដល់ ១៣ប៊ីលានដុល្លារអាមេរិក (២០១៨)។

សូមជម្រាបថា Reitman គឺជាក្រុមហ៊ុនបញ្ជាទិញសម្លៀកបំពាក់ដ៏ធំរបស់កាណាដា ដែលបានធ្វើប្រតិបត្តិការពាណិជ្ជកម្ម​ ជាមួយឧស្សាហកម្មកាត់ដេរសម្លៀកបំពាក់កម្ពុជា ចាប់តាំងពីឆ្នាំ២០០២-២០០៣ ហើយកាលពីឆ្នាំ២០១៦ ក្រុមហ៊ុនមួយនេះ បានបញ្ជាទិញផលិតផលសម្លៀកបំពាក់ពីរោងចក្រចំនួន ១៤ នៅកម្ពុជា ក្នុងតម្លៃជាទឹកប្រាក់ ៦៦លានដុល្លារអាមេរិក​ ផងដែរ។

បញ្ចេញមតិ

avatar

ព័ត៌មានទាក់ទង

អតីតគណបក្សសង្រ្គោះជាតិ ទាមទារឱ្យរាជរដ្ឋាភិបាលយកច្បាប់សមុទ្រអន្តរជាតិទៅតវ៉ាករណីកោះត្រល់បាត់ទៅ​វៀតណាម

ក្រោយ​ពី​សហគមន៍​អាស៊ាន​ដែល​មាន​ប្រទេស​វៀតណាម​[...]

សង្គមស៊ីវិលចំនួន៣រកឃើញកម្មការនីធ្វើការតាមរោងចក្រភាគច្រើនជាកូនបំណុលធ្ងន់ជាងគេដោយសារកូវីដ

សង្គមស៊ីវិលចំនួន ៣ បានលើកឡើងថា កម្មករ កម្មការ[...]

មេភូមិម្នាក់ដុតសម្លាប់ស្រ្ដីម្នាក់ត្រូវបានចាប់ខ្លួន

(កំពង់ឆ្នាំង)៖ ករណីឃាតកម្ម ដែលប្រព្រឹត្តដោយមេ[...]

ព័ត៏មានថ្មី

វីដេអូថ្មីបំផុត