loader

ក្រសួងការងារចេញសេចក្តីណែនាំ៤ចំណុចផ្ដល់ភាពងាយស្រួលដល់ស្រ្ដីមានផ្ទៃពោះក្រោយពេលសម្រាលកូន

ភ្នំពេញ៖ដើម្បីរួមគ្នាផ្ដល់ភាពងាយស្រួល និងពន្លឿនដល់ការបើកប្រាក់ឧបត្ថម្ភដល់ស្រ្ដីមានផ្ទៃពោះដែលបម្រើការងារទាំងក្នុងប្រព័ន្ធ និងក្រៅប្រព័ន្ធ ក្រសួងការងារ និងបណ្ដុះបណ្ដាលវិជ្ជាជីវៈ បានចេញសេចក្ដីជូនដំណឹងធ្វើការណែនាំអំពីបែបបទ និងនីតិវិធី ៤ចំនុច ដល់ និយោជក ម្ចាស់សហគ្រាស គ្រឹះស្ថាន បុគ្គលិក កម្មករ និយោជិត និងមូលដ្ឋានសុខាភិបាល។

តាមសេចក្ដីដំណឹងរបស់ក្រសួងការងារ និងបណ្ដុះបណ្ដាលវិជ្ជាជីវៈដែលចុះនៅថ្ងៃទី ១២ មករា ឆ្នាំ២០១៨ នេះ បែបបទ និងនិតីវិធី ៤ចំនុចទាំងនោះរួមមាន៖

ទី១.សាមីខ្លួនត្រូវភ្ជាប់មកតាមខ្លយននូវអត្ដសញ្ញាណប័ណ្ណសញ្ជាតិខ្មែរ និងលេខទូរស័ព្ទច្បាស់លាស់។

ទីពីរ.សាមីខ្លួនត្រូវភ្ជាប់មកតាមខ្លួននូវប័ណ្ណសមាជិក ប.ស.ស ឬ ប័ណ្ណមូលនិធីសមធម៌សុខាភិបាល។

ទី៣.សាមីខ្លួន ឬសាច់ញាតិរបស់ខ្លួនត្រូវជូនដំណឹងមក ប.ស.ស តាមរយៈលេខទូរស័ព្ទទំនាក់ទទំនងបន្ទាន់ ១២៨៦ ពេលចូលសម្រាលកូនក្នុងមន្ទីរពេទត្យដែលគ្មានភ្នាក់ងារ ប.ស.ស។

ទី៤. ស្នើមូលដ្ឋានសុខាភិបាលទាំងអស់ផ្ដល់កិច្ចសហការ និងព័ត៌មានដល់មន្រ្ដីសាខា ប.ស.ស នៅតាមស្នាក់ការ ប.ស.ស រាជធានីខេត្ត ខណ្ឌ អំពីការទៅទទួលសេវាសម្រាលកូនក្នុងមូលដ្ឋានសុខាភិបាលរបស់ខ្លួន។

ការធ្វើរួមគ្នាដើម្បីពន្លឿនដល់ការបើកប្រាក់ឧបត្ថម្ភដល់ស្រ្ដីមានផ្ទៃពោះតាមគោលនយោបាយរបស់រាជរដ្ឋាភិបាលនេះ ក្រោយពេល ប.ស.ស បានរកឃើញពីបញ្ហាប្រឈមមួយចំនួនក្នុងពេលផ្ដល់ប្រាក់ឧបត្ថម្ភដោយសារមូលហេតុខ្វះឯកសារ និងខ្វះការផ្ដល់ព័ត៌មានអំពីការសម្រាលកូន។

នៅក្នុងសេចក្ដីជូនដំណឹងនេះ ក្រសួងការងារនិងបណ្ដុះបណ្ដាលវិជ្ជាជីវៈ សង្ឃឹមយ៉ាងមុតមាំថា និយោជក ម្ចាស់សហគ្រាស គ្រឹះស្ថានទាំងអស់ត្រូវផ្សព្វផ្សាយបន្ដដល់កម្មករនិយោជិរបស់ខ្លួន និងស្នើកម្មករនិយោជិតទាំងអស់ឲ្យចូលរួមអនុវត្តតាមខ្លឹមសារនៃសេចក្ដីជូនដំណឹងនេះ ឲ្យមានប្រសិទ្ធភាពខ្ពស់៕

បញ្ចេញមតិ

avatar

ព័ត៌មានទាក់ទង

ប្រវត្តិសាស្ត្រ៖ស្ដេចខ្មែរអង្គម៉ីត្រូវបានអាណ្ណាមចាប់ធ្វើជាចំណាប់ខ្មាំងតែព្រះអង្គជាសេ្ដចហ៊ានបោះបង់ការគ្រងរាជ្យ

នៅឆ្នាំបន្ទាប់ពេលដែលព្រះរាជាអង្គច័ន្ទសុគតទៅ  [...]

​កីឡាការិនី​ស្នូកឃ័រ​ ស្រួ​ង​ ភា​វី​ ត្រៀម​ប្រកួត​ផ្ដាច់ព្រ័ត្រ​បន្ទាប់​ពី​ប្រកួត​ឈ្នះ​ជប៉ុន​និង​អា​ល្លឺ​ម៉​ង់​

ក្នុង​ព្រឹត្តិការណ៍​ប្រកួត​កីឡា​ប៊ី​យ៉ា​ ឬ​ស្[...]

ដើមទុន ១ពាន់ដុល្លារ បានធ្វើឱ្យស្ត្រីម្នាក់នៅខេត្តកំពតក្លាយជាថៅកែលក់សំភារៈបង្គន់!

ជីវៈព័ត៌មាន ៖ មានមនុស្សប៉ុន្មាននាក់ ដែលគិតថា [...]

ព័ត៏មានថ្មី

វីដេអូថ្មីបំផុត