loader

ក្រសួងការងារអំពាវនាវឱ្យសហគ្រាសទាំងអស់បញ្ឈប់ការប្រើប្រាស់ពលកម្មកុមារ

ភ្នំពេញ៖ ក្រសួងការងារ និងបណ្តុះបណ្តាលវិជ្ជាជីវៈនៅថ្ងៃទី១២ តុលានេះបានចេញសេចក្តីជូនដំណឹងរំលឹកដល់ ម្ចាស់ឬនាយករោងចក្រ សហគ្រាស គ្រឹះស្ថាន សិប្បកម្មផលិតឥដ្ឋ និងអាជីវកម្មនានាត្រូវបន្តអនុវត្តឱ្យបានម៉ឺងម៉ាត់តាមច្បាប់ស្តីពីការងារ ពិសេសមិនត្រូវប្រើប្រាស់ពលកម្មកុមារក្នុងសង្វាក់ផលិតកម្មនោះឡើយ។

តាមរយៈសេចក្តីជូនដំណឹងរបស់ខ្លួន ក្រសួងការងារបានអំពាវនាវដល់ម្ចាស់រោងចក្រ សហគ្រាសទាំងអស់ត្រូវបន្តប្រឆាំងរាល់ទម្រង់កេងប្រវ័ញ្ចពលកម្មកុមារ។ក្រសួងក៏ហាមឃាត់ដាច់ខាតការប្រើប្រាស់បំណុលនៃទំនាក់ទំនងបុគ្គល និងបំណុលនៃគ្រឹះស្ថានហិរញ្ញវត្ថុមកដាក់បន្ទុកសេរីភាពការងាររបស់កម្មករ និយោជិត ទោះបីក្នុងលក្ខណៈម៉ៅការ ឬកិច្ចសន្យាបន្តក្តី។

ក្រសួងការងារក៏តម្រូវឱ្យគ្រប់អាជីកម្ម សិប្បកម្ម និងសេវាកម្មទាំងអស់ មិនត្រូវប្រើប្រាស់កុមារក្រោមអាយុ ១៥ឆ្នាំឡើយ។

ភ្ជាប់ជាមួយសេចក្តីអំពាវនាវនេះ ក្រសួងការងារក៏ប្រកាសពីវិធានការផាកពិន័យ និងវិធានការផ្លូវច្បាប់ក្នុងករណីក្រុមអធិការកិច្ចការងាររបស់ក្រសួងរកឃើញនូវកំហុសទាំងនេះ។

ពលកម្មលើកុមារជាការងារមួយដែលមានការគម្រាមកំហែងទៅដល់សិទ្ធជាមូលដ្ឋានរបស់កុមារ ក្នុងការរស់នៅប្រកបដោយសេចក្តីថ្លៃថ្នូរ ការលូតលាស់ផ្នែកបញ្ញា និងរូបរាងកាយ ការទទួលបានការការពារពីការរំលោភបំពាន និងការចូលរួមក្នុងសហគមន៍របស់អ្នកទាំងនោះ។ កម្មករជាកុមារធ្វើការទៅតាមវិស័យមួយចំនួនដូចជា៖ ការងារតាមផ្ទះ ក្នុងរោងចក្រកាត់ដេរ ការប្រមូលសម្រាម នេសាទ កសិកម្ម កម្មករឡឥដ្ឋ និងសំណង់។

តាមរបាយការណ៍របស់អង្គការ​ពល​កម្ម​អន្តរជាតិ (ILO)ក្នុងឆ្នាំ២០១២ ​រក​ឃើញថា ​មាន​កុមារ​ចំនួនជាង ៧៥ម៉ឺននាក់ កំពុង​ធ្វើការ​ក្នុង​ប្រទេស​កម្ពុជា។

ក្នុងនេះ​មាន​ចំនួនជាង ៤២ម៉ឺននាក់ ស្មើនឹង ៥៦.៩% ត្រូវបាន​ចាត់​ទុកថា ​ជាកម្មករ​កុមារ ហើយចំនួនជាង ២៣ម៉ឺននាក់ ស្មើនឹង ៣១.៣% បានធ្វើការ​ក្នុង​លក្ខខ័ណ្ឌ​គ្រោះថ្នាក់​ដែល​អ្នក​ទាំង​នោះ​ត្រូវ​បាន​រងផល​ប៉ះពាល់​ពី​សារធាតុ ឬ​សម្ភារៈ​គីមី៕

 

 

បញ្ចេញមតិ

avatar

ព័ត៌មានទាក់ទង

ក្រសួងមហាផ្ទៃ ណែនាំការស្នើសុំសិទ្ធិធ្វើនយោបាយ ខណៈអ្នកវិភាគថារឹតតែបង្ហាញចរិតបំបែកបំបាក់

ក្រសួងមហាផ្ទៃ បានចេញសេចក្ដីណែនាំសម្រាប់អ្នកដ[...]

កម្លាំងសមត្ថកិច្ច ឃាត់ខ្លួនមនុស្ស១៣នាក់ក្នុងឆ្នាំ២០១៨ធ្វើសកម្មភាពផ្ដួលរំលំរដ្ឋាភិបាល

អគ្គស្នងការនគរបាលជាតិ បានបញ្ជាក់ថា កងកម្លាំងន[...]

នាយករដ្ឋមន្រ្ដី៖ ២០២៥ជាអាណត្តិកំណត់កម្ពុជាគ្មានមីន

នាយករដ្ឋមន្រ្ដី៖ ២០២៥ជាអាណត្តិកំណត់កម្ពុជាគ្មានមីន

ថ្ងៃព្រហស្បតិ៍ ទី២១ ខែកុម្ភៈ ឆ្នាំ២០១៩

សម្ដេចនាយករដ្ឋមន្ត្រីហ៊ុនសែនប្រកាសថា កម្ពុជាន[...]

ព័ត៏មានថ្មី

វីដេអូថ្មីបំផុត