loader

ក្រសួងធនធានទឹកអំពាវនាឲ្យអ្នកធ្វើដំណើរតាមសមុទ្រប្រុងប្រយ័ត្នចំពោះអាកាសធាតុ

ភ្នំពេញ៖ ក្រសួងធនធាន និងឧតុនិយម បានអោយដឹងថា ខ្យល់មូសុងនិរតី បាននិងកំពុងបន្ដបង្កើនឥទ្ធិពលមកលើតំបន់ឆ្នេរសមុទ្រក្នុងព្រះរាជាណាចក្រកម្ពុជា។ ដោយឡែក ប្រព័ន្ធសម្ពាធទាបបាននិងកំពុងអូសបន្លាយកាត់លើអាងទន្លេមេគង្គក្នុងប្រទេសឡាវ។

នេះបើតាមការចុះផ្សាយរបស់ក្រសួងធនធានទឹក និងឧតុនិយម នៅថ្ងៃទី១២ ខែកក្កដា ឆ្នាំ២០១៨  ដដែលនេះ ក្រសួងអំពាវនាវដល់អ្នកនេសាទ និងអ្នកធ្វើដំណើរតាមសមុទ្រទាំងអស់បង្កើនការប្រុងប្រយ័ត្នចំពោះហេតុការណ៍ដែលអាចកើតមានជាយថាហេតុនៅលើតំបន់ឆ្នេរសមុទ្រក្នុងព្រះរាជាណាចក្រកម្ពុជា។

តាមសេចក្ដីជូនដំណឹងដដែល បញ្ជាក់ថា  លក្ខណៈបែបនេះ នឹងធ្វើឲ្យអាកាសធាតុនៅតាមបណ្ដាខេត្តជាប់ឆ្នេរសមុទ្រ នឹងមានភ្លៀងធ្លាក់ច្រើនជា  ​បន្ដបន្ទាប់។ រីឯបណ្ដារាជធានី-ខេត្តមួយចំនួន ដូចជា ភ្នំពេញ ខេត្តកណ្ដាល កំពង់ស្ពឺ និងខេត្តតាកែវ បរិមាណទឹកភ្លៀងនឹងថយចុះមកវិញ។ ដោយឡែកបណ្ដាខេត្តដទៃទៀត នឹងមានភ្លៀងធ្លាក់រាយប៉ាយជាបន្ដបន្ទាប់ក្នុងបរិមាណពីមធ្យមទៅច្រើន ហើយផ្ទៃសមុទ្រទាំងមូល មានខ្យល់បក់បោកខ្លាំង ។

តាមការអំពាវនាវរបស់ក្រសួង គឺប្រជានេសាទ និងអ្នកធ្វើដំណើរតាមសមុទ្រ គួរបង្កើនការប្រុងប្រយ័ត្នអោយបានខ្ពស់ ជៀសវាងនូវគ្រោះថ្នាក់ផ្សេងៗដែលអាចកើតមានឡើងជាយថាហេតុ៕

បញ្ចេញមតិ

avatar

ព័ត៌មានទាក់ទង

ក្រសួងមហាផ្ទៃ ណែនាំការស្នើសុំសិទ្ធិធ្វើនយោបាយ ខណៈអ្នកវិភាគថារឹតតែបង្ហាញចរិតបំបែកបំបាក់

ក្រសួងមហាផ្ទៃ បានចេញសេចក្ដីណែនាំសម្រាប់អ្នកដ[...]

កម្លាំងសមត្ថកិច្ច ឃាត់ខ្លួនមនុស្ស១៣នាក់ក្នុងឆ្នាំ២០១៨ធ្វើសកម្មភាពផ្ដួលរំលំរដ្ឋាភិបាល

អគ្គស្នងការនគរបាលជាតិ បានបញ្ជាក់ថា កងកម្លាំងន[...]

នាយករដ្ឋមន្រ្ដី៖ ២០២៥ជាអាណត្តិកំណត់កម្ពុជាគ្មានមីន

នាយករដ្ឋមន្រ្ដី៖ ២០២៥ជាអាណត្តិកំណត់កម្ពុជាគ្មានមីន

ថ្ងៃព្រហស្បតិ៍ ទី២១ ខែកុម្ភៈ ឆ្នាំ២០១៩

សម្ដេចនាយករដ្ឋមន្ត្រីហ៊ុនសែនប្រកាសថា កម្ពុជាន[...]

ព័ត៏មានថ្មី

វីដេអូថ្មីបំផុត