loader

ពលរដ្ឋវៀតណាមតវ៉ានៅមុខស្ថានទូតចិន ប្រឆាំងបំពានដែនទឹករបស់ខ្លួន

ចិននៅថ្ងៃទី៧សីហានេះបានធ្វើសមយុទ្ធទៀតហើយនៅតំបន់ជម្លោះសមុទ្រចិនខាងត្បូងបើទោះបីជាមានការតវ៉ាពីរដ្ឋជាសមាជិកសមាគមអាស៊ានក៏ដោយក្ដី។

សារព័ត៌មានវៀតណាម VN Expressបានរាយការណ៍មកថា រដ្ឋបាលសុវត្ថិភាពសមុទ្រ នៃខេត្តហានណាន បានឱ្យដឹងថាចិនបានធ្វើយុទ្ធពិតមែនលើសមុទ្រប៉ារ៉ាសែល។សមយុទ្ធនេះចិនបានចាប់ផ្ដើមតាំងពីថ្ងៃអង្គារមកទល់ថ្ងៃនេះ។ចិនបានហាមឃាត់មិនឱ្យកប៉ាល់ដទៃទៀតមកក្បែរតំបន់ហាត់យោធានេះឡើយ។

តែនៅថ្ងៃជាមួយគ្នានេះពលរដ្ឋវៀតណាមនាំគ្នាមកធ្វើបាតុកម្មនៅមុខស្ថានទូតចិននៃទីក្រុងហាណូយដើម្បីសួរនាំឱ្យបានច្បាស់អំពីការដែលបិទសិទ្ធិពួកគេមិនឱ្យនេសាទនិងអាជីវកម្មរ៉ែនៅតំបន់សេដ្ឋកិច្ចផ្ដាច់មុខនិងទាមទារជាមួយគ្នាឱ្យកាប៉ាល់ចិនទាំងអស់ចេញឆ្ងាយពីទីនោះទៅ។

យ៉ាងណាមិញចិនថា កប៉ាល់ឈ្មោះថាThe Haiyang Dizhi 8គឺប្រតិបត្តិការជាការវាស់ ស្ទង់ភូមិសាស្រ្ដសមុទ្រចិនដើម្បីប្រមូលទិន្នន័យពីការវិភាគធនធានសមុទ្ររបស់ក្រុមហ៊ុនWinward។

កាលពីសប្ដាហ៍ ក្រុមនេសាទវៀតណាមបានជម្រុញឱ្យរដ្ឋាភិបាលមានវិធានការម៉ឺងម៉ាត់ តាមផ្លូវច្បាប់ចំពោះចិនលើរឿងនេះ។

ក្នុងសប្ដាហ៍មុនដូចគ្នានៅរាជធានីបាងកកមានការរៀបចំនូវជំនួបប្រជុំថ្នាក់ដឹកនាំក្រសួងការបរទេសអាស៊ានហើយក្នុងនោះក៏មានយន្ដការអាស៊ានបូកចិន​និង​សហរដ្ឋអាមេរិក ដោយមានវត្តមានរបស់រដ្ឋមន្រ្ដីការបរទេសចិនវ៉ាង យី និង រដ្ឋមន្រ្ដីក្រសួងការបរទេសអាមេរិកលោក ម៉ៃ ប៉ុមពីអូផងដែរ។នៅក្នុងរបៀបវារៈការប្រជុំកន្លងទៅក៏បានបូកបញ្ចូលនូវបញ្ហាសមុទ្រចិនខាងត្បូងដែរ ហើយអាមេរិករំពឹងថាប្រទេសអាស៊ានទាំងអស់នឹងការពារបូរណភាពទឹកដីបានល្អចេញអំពីការរំលោភបំពានរបស់ចិន។

ភាពតានតឹងរវាងចិន និង វៀតណាមបានរីករាលដាលកាន់តែខ្លាំងឡើងនៅតំបន់ប្រឈមជិតកោះស្រ្ពាតលីកាលពីខែកក្កដានៅពេលដែលកប៉ាល់វៀតណាមបានចូលទៅដល់តំបន់សេដ្ឋកិច្ចពិសេសប្រឈនឹងកប៉ាល់របស់ចិនឈ្មោះថា Haiyang Dizhi 8 មួយ។

វៀតណាមអះអាងថាចិនបានកាន់កាប់ដោយកំរោលនិងខុសច្បាប់លើកោះប៉ារ៉ាសែលរបស់ខ្លួនតាំងពីឆ្នាំ១៩៧៤តែចិនថានេះជាដែនទឹករបស់ខ្លួនតាំងពីដើមរៀងមក។

អាមេរិកដែលមិនមែនជាភាគីជម្លោះណាមួយសោះ ក៏បានធ្លាប់ព្រមានចិនដែលថាកុំព្យាយាមពង្រីកឥទ្ធិពលយោធារបស់ខ្លួននៅសមុទ្រចិនខាងត្បូង។ បែបណាក៏ដោយចិនមិនបន្ទន់ឥរិយាបថទេនិងថែមទាំងថាមិនអត់អោនអាមេរិកទេបើប្រទេសមហាអំណាចសេដ្ឋកិច្ចមួយនេះហ៊ានពង្រាងមីស៊ីលនៅអាស៊ីដោយយកលេសដើរចេញពីកិច្ចព្រមព្រៀងអាវុធនុយក្លេអ៊ែរកម្រិតមធ្យមក្ដី។

ជាមួយគ្នានេះ បងធំពិភពលោកមួយទៀតគឺរុស្ស៊ី ក៏បានបន្ទរថា ខ្លួននឹងពង្រាយ មីស៊ីលដូចគ្នានៅអាស៊ីបើកាលណាអាមេរិកហ៊ានធ្វើយ៉ាងដូច្នេះមែនគឺដាក់ឱ្យជិតជប៉ុន និង កូរ៉េខាងត្បូង។

មែន! នៅក្នុងសម្ភាសនឹងសារព័ត៌មាន Fox News ទីប្រឹក្សាសន្តិសុខជាតិសេតវិមាន លោកចន បូតុងបាននិយាយកាលពីថ្ងៃអង្គារថាអាមេរិកពិតជាមានគម្រាងនឹង ពង្រាយម៊ីស៊ីលដ៏មានសក្ដានុពលនៅអាស៊ីដើម្បីការពារក្រុមសម្ព័ន្ធមិត្តអាមេរិកទាំងអស់នៅក្នុងតំបន់។

យ៉ាងណានៅក្នុងជំនួបប្រជុំរបស់រដ្ឋមន្រ្ដីអាស៊ាន ថ្នាកដឹកនាំកំពូលទាំងពីរប្រទេសចិន និង​វៀតណាម បាននិយាយចំពោះគ្នាថាប្រទេសទាំងពីរពិតជាត្រូវការថែរក្សា សន្ដិភាពស្ថេរភាពនិងរកវឌ្ឍនភាពដល់ជំលោះវិញ៕

ដោយ៖ ពៅនិកា

បញ្ចេញមតិ

avatar

ព័ត៌មានទាក់ទង

បក្សកាន់អំណាចរបស់អតីតជនផ្ដាច់ការនៅស៊ូដង់ត្រូវបានរំលាយដោយសារជាប់បទឧក្រិដ្ឋធំៗ

រឿងដ៏គួរឱ្យភ្ញាក់ផ្អើលមួយទៀតនៅប្រទេសស៊ូដង់គឺអ[...]

ប៉ូលីសអន្ដរជាតិចេញដីកាចាប់ខ្លួនមេដឹកនាំធ្លាក់ពីអំណាចBoloviaករណីបង្កភេរវកម្ម

អតីតប្រថានាធិបតីនៃប្រទេសបូលូវៀលោកEVO MOROLESដ[...]

ទីបំផុតត្រាំផ្ដល់សច្ចាប័នការពារសិទ្ធិនិងប្រជាធិបតេយ្យពលរដ្ឋហុងកុង

បើទោះបីជាមិត្តចិនបានព្រមានសហរដ្ឋអាមេរិកពីទំហំ[...]

ព័ត៏មានថ្មី

វីដេអូថ្មីបំផុត