loader

ព្រឹទ្ធសភាគាំទ្រលោក ស៊ឹម កា ធ្វើជាអនុប្រធានទី១ជំនួសលោក នៃ ប៉េណា ដែលទទួលមរណភាព

(ភ្នំពេញ)៖ ក្រោមសំឡេងឆ្នោតគាំទ្រ ៥៨សំឡេងនៃចំនួនសមាជិកព្រឹទ្ធសភាទាំងមូល លោក ស៊ឹម កា បានជាប់ធ្វើជាអនុប្រធានទី១នៃព្រឹទ្ធសភា ជំនួសលោក នៃ ប៉េណា ដែលទើបទទួលមរណភាពកាលពីពេលថ្មីៗនេះ។ នេះបើយោងតាមទំព័រហ្វេសប៊ុករបស់ព្រឹទ្ធសភា ដែលបានបង្ហាញរូបភាពសម័យប្រជុំវិសាមញ្ញព្រឹទ្ធសភានីតិកាលទី៤ នៅព្រឹកថ្ងៃទី១១ ខែតុលា ឆ្នាំ២០១៨នេះ។

សមាជិក ព្រឹទ្ធសភា ទាំង ៦២ រូប សម្រាប់ នីតិកាល ថ្មី

បើតាមទំព័រហ្វេសប៊ុកដដែល សម័យប្រជុំវិសាមញ្ញព្រឹទ្ធសភា នីតិកាលទី៤ នៅព្រឹកមិញនេះ មានរបៀបវារៈចំនួន២ ដែលអនុម័ត ទី១៖ ប្រកាសទទួលស្គាល់សមាជិកព្រឹទ្ធសភាថ្មី នីតិកាលទី៤ និងទី២៖ បោះឆ្នោតជ្រើសរើសអនុប្រធានទី១ព្រឹទ្ធសភា នីតិកាលទី៤។

តាមសេចក្តីប្រកាសលទ្ធផលផ្លូវការនៃព្រឹទ្ធសភាបានឱ្យដឹងថា ក្នុងសម័យប្រជុំនេះ ព្រឹទ្ធសភាបានបោះឆ្នោតជ្រើសរើសអនុប្រធានទី១ព្រឹទ្ធសភាថ្មី ជំនួសលោក នៃ ប៉េណា ដែលបានទទួលមរណភាព ក្នុងនោះ លោក ស៊ឹម កា ទទួលបានសំឡេងគាំទ្រចំនួន៥៨សំឡេង នៃចំនួនសមាជិកព្រឹទ្ធសភាទាំងមូល។

ក្រៅពីបោះឆ្នោតនេះ ព្រឹទ្ធសភា ក៏ទទួលស្គាល់ លោកស្រី កង សៅរ៍ធន ជាសមាជិកព្រឹទ្ធសភាថ្មី នៅមណ្ឌលភូមិភាគទី៥ ជំនួស លោក នៃ ប៉េណា ផងដែរ។ សមាជិកថ្មីរូបនេះ ត្រូវធ្វើសច្ចាប្រណិធានមុនចូលកាន់តំណែង។

សូមជំរាបជូនថា លោក​ នៃ ប៉េណា អនុប្រធានទី១ នៃព្រឹទ្ធសភាបានទទួលមរណភាពដោយរោគាពាធ កាលពីថ្ងៃទី២៩ ខែកញ្ញា ឆ្នាំ២០១៨ ក្នុងជន្មាយុ ៧៤ឆ្នាំ៕

 

បញ្ចេញមតិ

avatar

ព័ត៌មានទាក់ទង

ក្រសួងមហាផ្ទៃ ណែនាំការស្នើសុំសិទ្ធិធ្វើនយោបាយ ខណៈអ្នកវិភាគថារឹតតែបង្ហាញចរិតបំបែកបំបាក់

ក្រសួងមហាផ្ទៃ បានចេញសេចក្ដីណែនាំសម្រាប់អ្នកដ[...]

កម្លាំងសមត្ថកិច្ច ឃាត់ខ្លួនមនុស្ស១៣នាក់ក្នុងឆ្នាំ២០១៨ធ្វើសកម្មភាពផ្ដួលរំលំរដ្ឋាភិបាល

អគ្គស្នងការនគរបាលជាតិ បានបញ្ជាក់ថា កងកម្លាំងន[...]

នាយករដ្ឋមន្រ្ដី៖ ២០២៥ជាអាណត្តិកំណត់កម្ពុជាគ្មានមីន

នាយករដ្ឋមន្រ្ដី៖ ២០២៥ជាអាណត្តិកំណត់កម្ពុជាគ្មានមីន

ថ្ងៃព្រហស្បតិ៍ ទី២១ ខែកុម្ភៈ ឆ្នាំ២០១៩

សម្ដេចនាយករដ្ឋមន្ត្រីហ៊ុនសែនប្រកាសថា កម្ពុជាន[...]

ព័ត៏មានថ្មី

វីដេអូថ្មីបំផុត