loader

មន្រ្តីខេត្តព្រះសីហនុផ្តើមរំដោះផ្ទៃប្រឡាយនិងអូរពីអ្នកបំពានក្រោយបញ្ហាទឹកជំនន់

ខេត្តព្រះសីហនុ៖ អភិបាលខេត្តព្រះសីហនុបញ្ជាក់ថា រដ្ឋបាលខេត្តកំពុងធ្វើសកម្មភាពចុះកាយដី និងសំណង់មួយចំនួនពីក្នុងប្រឡាយ និងអូរ ជាផ្នែកមួយនៃយុទ្ធសាស្ត្ររំដោះទឹកភ្លៀងដែលជន់លិចនាពេលបច្ចុប្បន្ន នឹងទៅអនាគត។

ថ្លែងប្រាប់អ្នកសារព័ត៌មានកាលពីថ្ងៃរសៀលថ្ងៃទី១១ ខែសីហា ម្សិលមិញ លោក គួច ចំរើន អភិបាលខេត្តព្រះសីហនុដែលទើបមកកាន់ដំណែងលើកឡើងថា មានប្រជាពលរដ្ឋនិងការដ្ឋានសំណង់មួយចំនួនបានចាក់ដី សង់សំណង់ និងធ្វើផ្ទះរំលោភលើផ្ទៃប្រឡាយ និងអូរ ដែលជាមូលហេតុធ្វើឱ្យលំហូរទឹកមិនអាចដំណើរការបានល្អ។ លោកគូសបញ្ជាក់ថា អាជ្ញា ធរនឹងប្រើគ្រឿងចក្រកាយដីចេញពីផ្ទៃប្រឡាយ ហើយសំណង់ និងផ្ទះមួយចំនួននឹងត្រូវរុះរើចេញក្រោយការចរចា។

សកម្មភាពចុះស្តារប្រឡាយរបស់មន្ត្រីខេត្តព្រះសីហនុ។រូបភាពពីហ្វេសប៊ុក រដ្ឋបាលសាលាខេត្តព្រះសីហនុ

យ៉ាងណាលោក គួច ចំរើន សូមអំពាវនាវដល់ប្រជាពលរដ្ឋ ក្រុមហ៊ុន និងម្ចាស់ការដ្ឋានសំណង់ទាំងអស់ត្រូវសហការជាមួយអាជ្ញាធរ ដើម្បីរំដោះផ្ទៃប្រឡាយ និងអូរ បញ្ចៀសការរំលោភយកទាំងបំពាន និងសម្រួលដល់លំហូរទឹកបានលឿន។

លោកអភិបាលខេត្តព្រះសីហនុពុំទាន់អាចគូសបញ្ជាក់ពីលទ្ធផលដែលក្រុមការងារបានចុះស្តារប្រឡាយនៅឡើយទេ តែលោកអះអាងថា សាលាខេត្តមានគ្រឿងចក្រមួយចំនួនកំពុងប្រតិបត្តិការជាបណ្តើរហើយ។ លោកឱ្យដឹងថា នៅពេលប្រឡាយ និងអូរ ដែលជាប្រព័ន្ធរំដោះទឹកមួយយ៉ាងសំខាន់ត្រូវបានដោះស្រាយ នោះបញ្ហាជំនន់ទឹកភ្លៀងក៏ស្រក់លឿនជាងមុន។

នារយៈពេលចុងក្រោយនេះ ខេត្តព្រះសីហនុ និងខេត្តរតនគិរី បានជួបប្រទះបញ្ហាជំនន់ទឹកភ្លៀងយ៉ាងសាហាវមិនធ្លាប់មានដែលបណ្តាលពីឥទ្ធិពលព្យុះ ភ្លៀង ឆ្លងកាត់ប្រទេសកម្ពុជា វៀតណាម និងឡាវ។

បញ្ហាជំនន់ទឹកភ្លៀងបានបង្កឱ្យមនុស្ស ៣ នាក់ស្លាប់ក្នុងខេត្តព្រះសីហនុ ដែលពីរនាក់ជាប្តីប្រពន្ធជនជាតិខ្មែរ និងម្នាក់ទៀតជាជនជាតិចិនក្នុងហេតុការណ៍បាក់របងសំណង់សង្កត់លើដោយសារទឹកហូរខ្លាំង។ហេតុការណ៍នេះកើតឡើងក្នុងឃុំបិតត្រាំង ស្រុកព្រៃនប់ ខេត្តព្រះសីហនុ កាលពីថ្ងៃទី០៩ សីហា។

ចំណែកបញ្ហាជំនន់ទឹកភ្លៀងក្នុងខេត្តរតនគិរីវិញ បានបង្កឱ្យកុមារីជាសិស្សសាលាអាយុ ១៥ ឆ្នាំម្នាក់បាត់បង់ជីវិត។ បញ្ហាជំនន់ទឹកភ្លៀងក្នុងខេត្តទាំងពីរនេះ ក៏បណ្តាលឱ្យពលរដ្ឋប្រមាណ ២០០០ គ្រួសាររងផលប៉ះពាល់ ហើយផល​ដំណាំ ​ស្រែ​ចម្ការ ​សាលារៀន​ ផ្លូវ​ថ្នល់​ សត្វ​ពាហនៈ ប្រព័ន្ធទឹកស្អាត និងអគ្គិសនី ក៏រងផលប៉ះពាល់ផងដែរ៕

បញ្ចេញមតិ

avatar

ព័ត៌មានទាក់ទង

លោកសមរង្ស៊ីធ្វើដំណើរ​ រុលដល់ម៉ាឡេស៊ីខណៈការចូលកម្ពុជាវិញរបស់គាត់កាន់តែខិតជិតមកដល់

Read this article in English ក្រុងភ្នំពេញ៖ បណ[...]

Sam Rainsy traveled to Malaysia as his return to Cambodia drew ever closer

Sam Rainsy traveled to Malaysia as his return to Cambodia drew ever closer

ថ្ងៃសុក្រ ទី១៦ ខែសីហា ឆ្នាំ២០១៩

(Phnom Penh) : Social media has reported on t[...]

ចិនថាកម្ពុជាមានកម្លាំងខាងក្រៅជ្រៀតជ្រែកកិច្ចការផ្ទៃក្នុងរឿងមូលដ្ឋានទ័ព

ភ្នំពេញ៖ ឯកអង្គរដ្ឋទូតនៃសាធារណៈរដ្ឋប្រជាមានិត[...]

ព័ត៏មានថ្មី

វីដេអូថ្មីបំផុត