loader

អ្នកជំនួញចិនសំឡឹងចូលទៅកូរ៉េខាងជើងវិញ សង្ឃឹមថាអាមេរិកបន្ថូរបន្ថយទណ្ឌកម្ម

ចិន៖ ក្រុមអ្នកជំនួញចិនដែលបានដាក់ទុនវិនយោគនៅប្រទេសកូរ៉េខាងជើង បានបង្ហាញក្ដីសង្ឃឺមជាខ្លាំង ថាខ្លួននឹងចូលទៅរកស៊ីនៅប្រទេសជិតខាងខ្លួននេះវិញ នៅពេលខាងមុខនេះ ។

                                                             ​ស្ពានមិត្តភាព យ៉ាឡូ ជាប់ព្រំដែនកូរ៉េខាងជើង និងចិន។

 

បណ្ដាញផ្សាយព័ត៌មាន របស់ទូរទស្សន៍ សិង្ហបុរី Channel News Asia បានចុះធ្វើបទយកការណ៍ ដោយបានជួប ជាច្រើនជាមួយម្ចាស់ក្រុមហ៊ុននិងអ្នកជំនួយចិនដែលបានកកស្ទះនៅតាមព្រំដែន ជាមួយកូរ៉េខាងជើង។ តាមប្រភពដដែលនេះ អ្នកជំនួញ ចិន បាននិយាយថា ប្រហាក់ប្រហែលគ្នាថា ខ្លួនសប្បាយចិត្តណាស់ដែលដឹងថា ជំនួបកំពូលរវាងលោក ដូណាល់ ត្រាំនិង មេដឹកនាំកូរ៉េខាងជើង គីម ជុងអ៊ុន ប្រព្រឹត្តដោយនាំមកនូវលទ្ធផលគួរទុកចិត្តបាន។

អ្នកជំនួញនិងម្ចាស់ក្រុមហ៊ុនចិនទាំងនោះ បាននិយាយថារយៈពេលមួយឆ្នាំចុងក្រោយនេះ ការរកស៊ីរបស់ពួកគេ បានធ្លាក់ចុះដ៏អាក្រក់ គឺធ្លាក់ចុះពី៧០ទៅ ៨០ភាគរយហើយមុខជំនួញខ្លះស្ទើរតែទាំងស្រុង។

តាមស្ថិតិជាផ្លូវការរបស់ក្រសួងពាណិជ្ជកម្មចិន  ទំហំពាណិជ្ជកម្មចិនជាមួយកូរ៉េខាងជើងបាន ធ្លាក់ចុះរហូតជាង ៦០ភាគរយ នៅរយៈពេលមួយត្រីមាសនៅដើមឆ្នាំ២០១៨នេះ។  

តាមប្រភពដដែលមិនថាឡើយការវិនិយោគទុន សូម្បីវិស័យទេសចរណ៍ក៏ធ្លាក់ចុះដែរ។ ប្រទេសកូរ៉េខាងជើងស្ថិតក្រោមការដាក់ទណ្ឌកម្មសេដ្ឋកិច្ចពីសំណាក់សហគមន៍អន្តរជាតិរយៈជាង ១០ឆ្នាំមកហើយ ប៉ុន្តែ រយៈពេលពីរឆ្នាំមកនេះ ទំហំនៃការដាក់ទណ្ឌកម្មមានសភាពធ្ងន់ធ្ងរជាខ្លាំងហើយទណ្ឌកម្មនេះ ដឹកនាំដោយអាមេរិក។

ជំនួបរវាងលោក ត្រាំ និងលោកគីម ជុងអ៊ុនកាលពីថ្ងៃទី ១២មិថុនា នៅប្រទេសសិង្ហបុរី  ភាគីទាំងពីរបានឈានដល់កិច្ចព្រមព្រៀងជាផ្លូវជាមួយគ្នា ដែលក្នុងនោះ កូរ៉េខាងជើងសន្យារំលាយរោងចក្រនិងអាវុធនុយក្លេអ៊ែរ ហើយអាមេរិកសន្យាធានាអោយកូរ៉េខាងជើងមានសន្ន្តិសុខ ពេញលេញ ហើយជួយអភិវឌ្ឍន៍សេដ្ឋកិច្ចប្រទេសនេះទៀតផង៕   

 

ព័ត៌មានទាក់ទង

ក្រុមចៅក្រមនិរទេសខ្លួនកាត់ទោសលោកម៉ាឌូរ៉ូ ១៨ឆ្នាំ និងដាក់ពិន័យ ២៥លានដុល្លារ ករណីពុករលួយ

វេណេហ្សូអេឡា ៖  ក្រុមចៅក្រមនិរទេសខ្លួនដោយសាររ[...]

ចិនបញ្ជូនមន្ត្រីទៅចរចារជាមួយអាមេរិកករណីសង្រ្គាមពាណិជ្ជកម្ម

នៅទីបំផុតប្រទេសមហាអំណាចចិនបានបើកការចរចាជាមួយអ[...]

មេដឹកនាំរុស្ស៊ីសុំជួបលោកគីមជុងអ៊ុនឱ្យបានឆាប់បំផុតគឺមុនពេលកំណត់

ប្រធានាធិបតីរុស្ស៊ី លោក វ្ល៉ាឌីមៀ ពូទីន ត្រូវ[...]

ព័ត៏មានថ្មី

វីដេអូថ្មីបំផុត