loader

សម្ព័ន្ធអង្គការរកឃើញថាការផ្សព្វផ្សាយផលិតផលជំនួយទឹកដោះម្តាយខ្លះបំពានច្បាប់

សៀមរាប៖ ការស្រា​វជ្រាវរបស់សម្ព័ន្ធអង្គការសង្គមស៊ីវិលដើម្បីអាហាររូបត្ថម្ភកម្ពុជារកឃើញថា មានក្រុមហ៊ុនមួយចំនួននៅតែបន្តការផ្សព្វផ្សាយលក់ផលិតផលម្ស៉ៅទឹកដោះគោជំនួសទឹកដោះម្តាយដោយបំពានលើអនុក្រឹត្យ១៣៣។ ការរកឃើញនេះត្រូវបានបង្ហាញក្នុងពិធីប្រារព្ធសប្តាហ៍ពិភពលោកបំបៅកូនដោយទឹកដោះម្តាយ នៅថ្ងៃទី៣០ ខែកក្កដា នេះនៅខេត្តសៀមរាប។

សូមស្តាប់សេចក្តីរាយការណ៍ពីលោក កែវ​ សុខា៖

ថ្លែងក្នុងអង្គពិធីចំពោះមុខរដ្ឋមន្រ្តីក្រសួងសុខាភិបាលនិងអ្នកពាក់ព័ន្ធលោកស្រី វីណេ កូតេស្ត(Gwyneth Cotes)នាយកប្រតិបត្តិអង្គការ ហេឡែន ខេលល័រអន្តរជាតិ មានប្រសាសន៍ថា  សម្ព័ន្ធអង្គការសង្គមស៊ីវិលដើម្បីអាហាររូបត្ថម្ភកម្ពុជារកឃើញថា​ នៅតែមានសកម្មភាពផ្សព្វផ្សាយលក់ផលិតផលម្ស៉ៅទឹកដោះគោជំនួសទឹកដោះម្តាយបំពានលើអនុក្រឹត្យលេខ ១៣៣ ស្តីពី ការផ្សព្វផ្សាយលក់ផលិតផលសម្រាប់ចិញ្ចឹមកុមារ និងទារក។ ក្រុមហ៊ុនទាំងនោះ បានផ្សព្វផ្សាយបង្កើតជាការភ័ន្តច្រលំដល់សាធារណជន ដោយស្រ្តីជាម្តាយយល់ខុសថា ការបំបៅកូនដោយដោះម្តាយមិនសូវល្អដូចការបៅម្ស៉ៅទឹកគោ។

លោកស្រីបន្ថែមថា ក្រុមហ៊ុនខ្លះបានរំលោភបំពានលើស្លាកសញ្ញានៃការលក់ផលិតផលចិញ្ចឹមកុមារនិងទារក។

អនុក្រឹត្យស្តីពី ការផ្សព្វផ្សាយលក់ផលិតផលសម្រាប់ចិញ្ចឹមទារកនិងកុមារ មាន ៩ជំពូក និង ២២មាត្រា។ អនុក្រឹត្យនេះ បានតម្រូវឱ្យក្រុមហ៊ុនទាំងក្នុងស្រុក និងនាំចូល ត្រូវរៀបចំការផ្សព្វផ្សាយទោះបីក្នុងទម្រង់ជាអក្សរ ជាការថតសំឡេង ជារូបភាព ឬជាការដាក់ផ្លាកសញ្ញាក្តី ត្រូវដាក់បញ្ចូលសារ ពីផលប្រយោជន៍នៃការបំបៅកូនដោយទឹកដោះម្តាយតែមួយមុខគត់ រយៈពេល ៦ខែចាប់ពីពេលកើត និងបន្តដល់កុមារអាយុ ២ឆ្នាំ ឬលើសពីនេះ។

យ៉ាងណាលោកស្រីថ្លែងអំណរគុណដែលកន្លងមកនេះ សមត្ថកិច្ចបានផាកពិន័យក្រុមហ៊ុនមួយចំនួនជាទឹកប្រាក់ ២លាន ៥សែនរៀល ជាការដាក់ពិន័យដែលក្រុមហ៊ុនទាំងនោះបានបំពានលើអនុក្រឹត្យ១៣៣។

ឆ្លើយតបនឹងការរកឃើញនេះ លោក ម៉ម ប៊ុនហេង រដ្ឋមន្រ្តីក្រសួងសុខាភិបាលលើកឡើងថា មន្រ្តីជំនាញតែងតែតាមដាន និងអនុវត្តវិធានការច្បាប់ចំពោះសហគ្រាស ឬក្រុមហ៊ុនណាដែលមិនព្រមអនុវត្តតាមការណែនាំរបស់ក្រសួង។ ក្នុងថ្ងៃប្រារព្ធពិធីសប្តាហ៍ពិភពលោកបំបៅកូនដោយទឹកដោះម្តាយ លោករដ្ឋមន្រ្តីថ្លែងអំពាវនាវដល់ម្តាយគ្រប់រូប សូមបំបៅកូនដោយទឹកដោះម្តាយឱ្យបានច្រើនតាមលទ្ធភាពដែលអាចធ្វើទៅបាន។ លោកឱ្យដឹងថា ការបំបៅកូនដោយទឹកដោះម្តាយ គឺមានគុណប្រយោជន៍យ៉ាងច្រើន កាត់បន្ថយអត្រាស្លាប់របស់ទារក និងមហារីកសុដនរបស់ម្តាយផងដែរ។

ទឹកដោះម្តាយមានអត្ថប្រយោជន៍ខ្លាំងណាស់ម្រាប់ទារក និងកុមារ។ ការរកឃើញរបស់សម្ព័ន្ធអង្គការសង្គមស៊ីវិលដើម្បីអាហាររូបត្ថម្ភកម្ពុជាឱ្យដឹងថា ការអនុវត្តការបំបៅទឹកដោះម្តាយទៅកូនអាចបង្ការការស្លាប់របស់កុមារទូទាំងពិភពលោកចំនួនជាង ៨២ ម៉ឺននាក់ជារៀងរាល់ឆ្នាំ។ ភស្តុតាងវិទ្យាសាស្រ្តបញ្ជាក់ច្បាស់ថា ការបំបៅដោះម្តាយទៅកូនភ្លាមៗក្នុងអំឡុងម៉ោងដំបូងបន្ទាប់ពីសម្រាល អាចទប់ស្កាត់មរណភាពទារកបានប្រហែល២០% ។ ចំណែកកុមារដែលបានបៅទឹកដោះម្តាយតែមួយមុខគត់សម្រាប់រយៈពេល ៦ ខែដំបូងអាចកាត់បន្ថយជំងឺរាករូសបាន ១១ដង និងជំងឺរលាកសួតបាន ១៥ដង បើធៀបជាមួយកុមារដែលមិនបានទទួលការបំបៅដោយទឹកដោះម្តាយ។

បើទោះបីការបំបៅកូនដោយទឹកដោះម្តាយមានគុណប្រយោជន៍បែបនេះក្តី តែកម្ពុជា បានធ្លាក់ចុះអត្រាការបំបៅកូនដោយទឹកដោះម្តាយទៅវិញ។ របាយការណ៍បង្ហាញថា ក្នុងឆ្នាំ២០១៤ អត្រានៃការបំបៅកូនដោយទឹកដោះម្តាយបានធ្លាក់ចុះវិញចំនួន៩% គឺពី ៧៤% មកត្រឹម ៦៥% ដោយសារនិន្នាការនៃការប្រើប្រាស់ម្ស៉ៅទឹកដោះគោកើនឡើង ។

អង្គការ Hellen Keller រកឃើញទៀតថា កម្ពុជាខាតបង់ជាង ៣២៦ លាន ៨ សែន ដុល្លារអាមេរិកក្នុងរយៈពេល ១ ឆ្នាំ ដោយសារតែ​ការមិន​បំបៅ​ដោះ​ម្តាយ។ ​​ក្នុងនោះ​ខាតបង់​តាមរយៈ​ការទិញ​ទឹកដោះ​ជាង​ ១០៧ លាន​ដុល្លារ  ខាតបង់លើបញ្ហាទារក និងកុមារ​ងាយ​ឈឺនាំឱ្យ​ពុក​ម្តាយ​ខាតវេលា និង លុយកាក់ ហើយ​ពេលខ្លះ​បណ្តាលឱ្យ​កុមារ​ស្លាប់បាត់​បង់ជីវិត​ក៏មាន ។ លើសពីនេះ​ទៅ ការមិន​បំបៅ​ដោះ​ម្តាយ​ដល់​កូន ធ្វើឱ្យ​កូន​អាច​ខ្វះ​អាហារូបត្ថម្ភ នាំឱ្យ​ថយចុះ​គុណភាព នៃ គំនិត​ប្រាជ្ញា​ស្មារតី។

អង្គការ Hellen Keller ក៏ពិនិត្យឃើញថា មានការថយចុះនៃការ​បំបៅ​ដោះ​ម្តាយ​ដល់​កូន ហើយ​កើន​ឡើ​ង​ការ​បំបៅ​​ទឹកដោះគោ​។ មូលហេតុ​ដោយសារ​ខ្វះ​យល់ដឹង​អំពី​គុណប្រយោជន៍នៃការ​បំបៅ​ដោះ​ម្តាយ  ការអនុវត្ត​អនុក្រឹត្យ​លេខ ១៣៣ នៅ​មាន​ក​ម្រិត។  ភាព​សុះសាយនៃការឃោសនា​ផ្សព្វផ្សាយ​ពាណិជ្ជកម្ម​លក់​ផលិតផល​ទឹកដោះ​ម្តាយ បំផ្លើស​ហួសហេតុ​នាំឱ្យមាន​ការយ​ល់​ច្រឡំ​ដូចជា​ថា​ ផលិត​ទាំងនោះ​មានគុណ​ភាពល្អ ធ្វើឱ្យ​កុមារមាន​សុខភាព​ល្អ ប្រាជ្ញា​ឆ្លាត​វៃជាដើម ខណៈ​ម្តាយ​ខ្លះ​យល់ថា ការ​មិន​បំបៅ​ដោះ​របស់ខ្លួន​ទៅ​កូនជាភាពទាន់សម័យ​ ហើយម្តាយ​មួយ​ចំនួន​មិន​ចង់​បំបៅ​ដោះ​កូន​ព្រោះ​​ខ្លាច​ខូច​ទ្រង់​ទ្រាយ​ដោះ​​ជាដើម​៕​

បញ្ចេញមតិ

avatar

ព័ត៌មានទាក់ទង

លោកសមរង្ស៊ីធ្វើដំណើរ​ រុលដល់ម៉ាឡេស៊ីខណៈការចូលកម្ពុជាវិញរបស់គាត់កាន់តែខិតជិតមកដល់

Read this article in English ក្រុងភ្នំពេញ៖ បណ[...]

Sam Rainsy traveled to Malaysia as his return to Cambodia drew ever closer

Sam Rainsy traveled to Malaysia as his return to Cambodia drew ever closer

ថ្ងៃសុក្រ ទី១៦ ខែសីហា ឆ្នាំ២០១៩

(Phnom Penh) : Social media has reported on t[...]

ចិនថាកម្ពុជាមានកម្លាំងខាងក្រៅជ្រៀតជ្រែកកិច្ចការផ្ទៃក្នុងរឿងមូលដ្ឋានទ័ព

ភ្នំពេញ៖ ឯកអង្គរដ្ឋទូតនៃសាធារណៈរដ្ឋប្រជាមានិត[...]

ព័ត៏មានថ្មី

វីដេអូថ្មីបំផុត