loader

កម្ពុជា-ចិន ពង្រឹង-ពង្រីកវិស័យទេសចរណ៍ និងវប្បធម៌នៅឆ្នាំ២០១៩នេះ

(ភ្នំពេញ)៖ រាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋប្រជានិតចិន បានកំណត់យកឆ្នាំ២០១៩ ជាពេលពង្រឹង និងពង្រីកកិច្ចសហប្រតិបត្តិការរួមគ្នាលើវិស័យទេសចរណ៍ និងវប្បធម៌ ឬហៅថា «ឆ្នាំវប្បធម៌ និងទេសចរណ៍កម្ពុជា-ចិន»។ នេះបើយោងតាមទំព័រហ្វេសប៊ុករបស់ក្រសួងទេសចរណ៍ចេញផ្សាយនៅថ្ងៃទី០៦ មិថុនានេះ។

ការប្រកាសនេះធ្វើឡើង ក្នុងពិធីបើកជាផ្លូវការដែលមានមន្រ្តីក្រសួងទេសចរណ៍កម្ពុជា និងមន្រ្តីទូតចិនចូលរួមកាលពីយប់ថ្ងៃទី០៥ ខែមិថុនា ឆ្នាំ២០១៩។

លោកឧបនាយករដ្ឋមន្ត្រី ប៊ិន ឈិន បានឱ្យដឹងថា វិស័យទេសចរណ៍ គឺជាវិស័យអាទិភាពមួយនាំឱ្យមានការជំរុញវិនិយោគ និងលំហូរទេសចរនៃប្រទេសទាំងពីរ។ លោកបន្តថា កិច្ចសហប្រតិបត្តិការនោះរួមមាន ការជំរុញការផ្សព្វផ្សាយទេសចរណ៍រួមគ្នា ការផ្លាស់ប្ដូរទស្សនកិច្ចសិក្សា ការបណ្ដុះបណ្ដាលធនធានមនុស្ស ការសម្ដែងសិល្បៈរួមគ្នាជាដើម។

លោក ប៊ិន ឈិន​ ឱ្យដឹងទៀតថា«ឆ្នាំវប្បធម៌ និងទេសចរណ៍កម្ពុជា-ចិន»នេះ នឹងក្លាយជាចលករជំរុញទំនាក់ទំនងរវាងប្រជាជនកម្ពុជា និងចិន ការផ្លាស់ប្ដូរវប្បធម៌ ការជំរុញលំហូរទេសចរទៅវិញទៅមក នឹងបង្កើតឱកាសថ្មីៗក្នុងការអភិវឌ្ឍវិស័យទេសចរណ៍ និងវប្បធម៌។

សូមរំលឹកថា ចំនួន​ទេសចរ​ចិន​មក​​ទស្សនា​ប្រទេស​កម្ពុជា​ ក្នុង​​ឆ្នាំ​ ​២០១៨​ មាន​​ប្រមាណ ​២ ​លាន​​នាក់​ កើន​ឡើង​ជាង ​៧០ ​ភាគរយ ​បើ​ធៀប​នឹង​ឆ្នាំ ​២០១៧។​

​កម្ពុជា​រំពឹង​ថា​ នៅ​ឆ្នាំ ​២០២​០ ​នឹង​ទទួល​បាន​ភ្ញៀវ​ទេសចរ​ចិន​ប្រមាណ​ ៣ ​លាន​នាក់​ ហើយ​នឹង​កើន​ឡើង​ដល់ ​៥ លាន​នាក់​​នៅ ឆ្នាំ ​២០២៥ ​និង​ ៨ ​លាន​នាក់​នៅ​ឆ្នាំ ​២០​៣០​៕

 

បញ្ចេញមតិ

avatar

ព័ត៌មានទាក់ទង

អាណាព្យាបាលនិងសិស្សប្រឡងបាក់ឌុបរីករាយចំពោះការរឹត បណ្តឹងពេលប្រឡង

ភ្នំពេញ៖ នៅថ្ងៃទី១៩ ខែសីហា ឆ្នាំ២០១៩ នេះក្រសួ[...]

លោកសមរង្ស៊ីធ្វើដំណើរ​ រុលដល់ម៉ាឡេស៊ីខណៈការចូលកម្ពុជាវិញរបស់គាត់កាន់តែខិតជិតមកដល់

Read this article in English ក្រុងភ្នំពេញ៖ បណ[...]

Sam Rainsy traveled to Malaysia as his return to Cambodia drew ever closer

Sam Rainsy traveled to Malaysia as his return to Cambodia drew ever closer

ថ្ងៃសុក្រ ទី១៦ ខែសីហា ឆ្នាំ២០១៩

(Phnom Penh) : Social media has reported on t[...]

ព័ត៏មានថ្មី

វីដេអូថ្មីបំផុត