loader

កូរ៉េខាងជើងបន្ដបាញ់សាកល្បងកាំជ្រួចលើកទីពីរបន្ទាប់ពីអាមេរិករឹបអូសនាវាមួយគ្រឿងរបស់ខ្លួន

រដ្ឋាភិបាលកុម្មុយនីស៍នៃកូរ៉េខាងជើងបានសងភ្លាមៗផ្គើននឹងសហរដ្ឋអាមេរិកដោយបានបាញ់សាកល្បងជាលើកទីពីរនូវកាំជ្រួចផ្លោងវង់ប្រតិបត្តិការវែង។សកម្មភាពណនេះធ្វើឡើងបន្ទាប់ពីអាមេរិកបានរឹបអូសនាវាដឹកធ្យូងថ្មមួយគ្រឿងរបស់ខ្លួន។

តាមសេចក្ដីរាយការណ៍របស់គេហទំព័រVox.com ឲ្យដឹងថាកាំជ្រួចរបស់កូរ៉េខាងជើងដែលបានបាញ់​កាលពីរសៀលថ្ងៃ​ព្រហស្បត្តិ៍​ទី៩ឧសភាម្សិលមិញនេះគឺវាបានធ្លាក់ទៅសមុទ្រជប៉ុននៅភាគខាងកើត។នាយករដ្ឋមន្ដ្រីជប៉ុន ហ៊ីន សូអាបេបាននិយាយថាកាំជ្រួចនេះមិនបានធ្វើឲ្យប៉ះពាល់ដល់សន្ដិសុខជប៉ុននោះទេ។

តែយ៉ាងណាទីភ្នាក់ងារពត៌មានរបស់កូរ៉េខាងជើងបានចុះផ្សាយថាលោកគីមជុងអ៊ុនបានទៅពិនិត្យផ្ទាល់ចំពោះការបាញ់សាកល្បងកាំជ្រួចលើកទីពីរនេះ។ នេះជាការចាប់ផ្ដើមបាញ់សាកល្បងកាំជ្រួចជាថ្មីទៀតរបស់ទីក្រុងព្យុងយ៉ាងបន្ទាប់ពីមេដឹកនាំគីមជុងអ៊ុននិងលោកដូណាត្រាំបានបរាជ័យនៅក្នុងជំនួបលើកទីពីរនៅទីក្រុងហាណូយកាលពីខែកុម្ភៈ។

ជាការកត់សំគាល់ការបាញ់កាំជ្រួចបន្ថែមទៀតរបស់ទីក្រុងព្យុងយាងនេះគឺបានធ្វើឡើងបន្ទាប់ពីលោកគីមជុងអ៊ុនវិលត្រលប់ពីទីក្រុងមូស្គូលក្នុងជំនួបជាមួយប្រធានាធិបតីផ្លាឌីមៀពូទីនហើយផ្តោតសំខាន់របស់មេដឹកនាំទាំងពីរគឺបញ្ហាការរំលាយអាវុធនុយក្លេអ៊ែររបស់ទីក្រុងព្យុងយាង។

តែយ៉ាងណាការរឹបអូសនាវារបស់កូរ៉េខាងជើងដោយសហរដ្ឋអាមេរិកគឺដោយសារតែនាវានេះបានរំលោភលើច្បាប់អន្ដរជាតិដែលបានដាក់ទណ្ឌកម្មលើរបបកុម្មុយនីស៍មួយនេះ។ទំនងមិនចុះចាញ់អាមេរិកងាយៗ  ទីក្រុងព្យុងយ៉ាង បានប្រកាស  ឱ្យដឹងពីការត្រៀមខ្លួន ធ្វើសមយុទ្ធយោធាបាញ់មីស៊ីលរយៈចំងាយឆ្ងាយជាថ្មីទៀត។​អ្នកសង្កេតការណ៍ព្រមានថាប្រទេសទាំងពីរនឹងធ្វើដំណើរទៅរកភាពតាន់តឹងលើឧបទ្វីបកូរ៉េជាថ្មីម្ដងទៀត៕

ព័ត៌មានទាក់ទង

Huawei ៖ ផែនការ B នៃការបង្កើតប្រព័ន្ធប្រតិបត្តិការផ្ទាល់ខ្លួន ឆ្លើយតបនឹងអាមេរិកគាបសង្កត់ដោយប្រើប្រាស់ Google និង Microsoft

សង្គ្រាមពាណិជ្ជកម្មពេលនេះបានវិវត្តខ្លួន ប្រើប[...]

៣ខែនៃការហ៊ុមព័ទ្ធសេដ្ឋកិច្ចពីសហគមន៍អន្ដរជាតិបណ្ដាលឱ្យ​​​វេណេហ្សូអេឡាបាត់បង់ប្រាក់ទ្រទ្រង់សេដ្ឋកិច្ចជាតិ៣០ពាន់លានដុល្លារ

សារព័ត៌មានរុស្ស៊ី Sputnik នៅថ្ងៃទី១៨ឧសភា នេះប[...]

អតីតមន្ត្រីចារកម្មវេណេហ្សូអេឡា៖ ម៉ាឌូរ៉ូត្រៀមខ្លួនរស់នៅក្នុងរូងដីបើរបបគាត់ត្រូវផ្ដួលរំលំ

អតីតមន្ត្រីចារកម្មនៃប្រទេសវេណេហ្សូអេឡា បានបង្[...]

ព័ត៏មានថ្មី

វីដេអូថ្មីបំផុត