loader

កំពង់ធំ៖ សិស្សក្រីក្រត្រៀមប្រឡងបាក់ឌុបទទួលបានប្រាក់ឧបត្ថម្ភពីប្រជាពលរដ្ឋសហគមន៍

កំពង់ធំ,ស្រុកបារាយណ៍៖ កាលពីពេលថ្មីៗនេះ សិស្សក្រីក្រចំនួន ៥ នាក់ក្នុងនោះមានសិស្សស្រី ៣ នាក់បានទទួលប្រាក់ឧបត្ថម្ភបន្ថែមពីក្រុមប្រឹក្សាស្រុកបារាយណ៍ ដើម្បីចែករំលែកនូវការចំណាយនានាក្នុងពេលប្រឡងសញ្ញាបត្រមធ្យមសិក្សាទុតិយភូមិ ចំណេះទូទៅ និងបំពេញវិជ្ជា ឬបាក់ឌុបនៅថ្ងៃស្អែក។

ជាងនេះទៀតក្រុមប្រឹក្សាស្រុកបារាយណ៍ក៏បានរៀបចំទីកន្លែងស្នាក់នៅដល់សិស្សទាំង ៥នាក់ផងដែរ ដើម្បីងាយស្រួលធ្វើដំណើរទៅប្រឡង។

ចំណែកថវិកាផ្តល់ជូនសិស្សទាំង ៥នាក់ ជាការរៃអង្គាសថវិកាតាមឃុំនីមួយៗក្នុងស្រុកបារាយណ៍ ដែលជាទឹកចិត្តរបស់ប្រជាពលរដ្ឋ អាជីករ និងអ្នកធ្វើការក្រុមហ៊ុនជាដើម។ ដោយឡែកក្នុងឃុំបារាយណ៍ដែលជាឃុំមួយក្នុងចំណោមឃុំទាំង ១០ ស្ថិតក្នុងស្រុកបារាយណ៍ ក្រុមប្រឹក្សាឃុំបារាយណ៍បានរៃអង្គាសថវិកាពីប្រជាពលរដ្ឋបានចំនួន ៥០ម៉ឺនរៀល។

សកម្មភាពជំនួយការឃុំបារាយណ៍ចុះរៃអង្គាសប្រាក់ពីបងប្អូនអាជីវករតាមផ្សារដើម្បីជួយដល់សិស្សក្រីក្រកំពុងត្រៀមប្រឡងបាក់ឌុប។ រូបភាព សឿន ចាន់ដា យុវជនខេត្តកំពង់ធំ។

យ៉ាងណាមិញ សិស្សទាំង ៥នាក់បានថ្លែងអំណរគុណដល់គណៈក្រុមប្រឹក្សាដែលបានយកចិត្តទុកដាក់ដល់ប្រជាពលរដ្ឋក្រីក្រ និងជួបផលវិបាកក្នុងជីវភាព។ អ្នកទាំង ៥នាក់បានសន្យា និងតាំងចិត្តប្រឡងឱ្យបានពិន្ទុល្អ និងព្យាយាមរៀនសូត្រទៅថ្ងៃខាងមុខ។

សូមបញ្ជាក់ថា សម័យប្រលងសញ្ញាបត្រមធ្យមសិក្សាទុតិយភូមិនឹងប្រព្រឹត្តិទៅនៅថ្ងៃទី១៩ សីហា ២០១៩ ស្អែក៕

អត្ថបទខ្លីសរសេរដោយ សឿន ​ចាន់ដា យុវជនខេត្តកំពង់ធំ ជាសិក្ខាកាមក្នុងវគ្គបណ្តុះបណ្តាលអំពីអក្ខរកម្មព័ត៌មាន និងប្រព័ន្ធផ្សព្វផ្សាយ (MIL) រៀបចំដោយមណ្ឌលព័ត៌មានស្រ្តីកម្ពុជា(WMC)ក្រោមជំនួយបច្ចេកទេសពីអង្គការអភិវឌ្ឍន៍ប្រព័ន្ធផ្សព្វផ្សាយអាឡឺម៉ង់(DW)។

បញ្ចេញមតិ

avatar

ព័ត៌មានទាក់ទង

ពលរដ្ឋឃុំបារាយណ៍ទទួលបានអំពូលសូឡាបំភ្លឺក្នុងគេហដ្ឋាន

កំពង់ធំ៖ ប្រជាពលរដ្ឋឃុំបារាយណ៍ ស្រុកបារាយណ៍ ខ[...]

ល្ខោនវិទ្យុរឿង៖ ទំនុកចិត្ត

ល្ខោនវិទ្យុរឿង៖ ទំនុកចិត្ត

ថ្ងៃអង្គារ ទី១៧ ខែធ្នូ ឆ្នាំ២០១៩

នាងកញ្ញា លោក លោកស្រី ប្រិយមិត្តអ្នកស្តាប់ជាទី[...]

ព័ត៌មានផ្ទាល់ខ្លួននៅលើបណ្តាញសង្គម

ព័ត៌មានផ្ទាល់ខ្លួននៅលើបណ្តាញសង្គម

ថ្ងៃចន្ទ ទី១៦ ខែធ្នូ ឆ្នាំ២០១៩

MC៖ យុវជនកម្ពុជាកំពុងពេញនិយមក្នុងការប្រើបណ្តា[...]

ព័ត៏មានថ្មី

វីដេអូថ្មីបំផុត