loader

គម្រោង AIMS ជួយកសិករស្រ្តីបង្កើនប្រាក់ចំណូលតាមរយៈផលិតកម្មសូត្រមាស

រដ្ឋមន្រ្តីក្រសួងពាណិជ្ជកម្មចុះពិនិត្យមើលការងាររបស់ស្រ្តីនៅសិប្បកម្មផលិតសូត្រ Golden Silk Pheach។រូបភាពក្រសួងពាណិជ្ជកម្ម។​

(សៀមរាប)៖ លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្មបានឱ្យដឹងថា គម្រោង AIMS នឹងជួយលើកកម្ពស់ជីវភាពប្រជាកសិករ កាត់បន្ថយភាពក្រីក្រ បង្កើនប្រាក់ចំណូលដល់ស្ត្រីតាមតំបន់ជនបទ តាមរយៈការដាក់បញ្ចូលសូត្រមាស ឬសូត្រប្រណិតក្នុងសង្វាក់ផលិតកម្មខ្នាតតូច ជាផ្នែកមួយនៃគម្រោងនេះដើម្បីថែរក្សាអត្តសញ្ញាណជាតិ។ នេះបើយោងតាមទំព័រហ្វេសប៊ុករបស់ក្រសួងពាណិជ្ជកម្មកាលពីថ្ងៃទី២៦ កក្តដា។

ការលើកឡើងរបស់រដ្ឋមន្ត្រីពាណិជ្ជកម្ម ធ្វើឡើងក្នុងឱកាសបំពេញទស្សនកិច្ចសិប្បកម្មផលិតសូត្រ Golden Silk Pheach ដែលមានដាំដើមមន និងចិញ្ចឹមកូនដង្កូវនាង ស្រាវជ្រាវយកសរសៃសូត្រ និងតម្បាញសូត្រ។ សិប្បកម្មផលិតសូត្រ Golden Silk Pheach ​ស្ថិតនៅក្នុងស្រុកបន្ទាយស្រី ខេត្តសៀមរាប។

ទិដ្ឋភាពមួយចំនួននៅ សិប្បកម្មផលិតសូត្រ Golden Silk Pheach ​។ រូបភាពរបស់ក្រសួងពាណិជ្ជកម្ម។

ក្នុងឱកាសនោះលោករដ្ឋមន្ត្រី លើកទឹកចិត្តដល់ប្រជាកសិករទាំងអស់ ឱ្យខិតខំថែរក្សាមុខរបរប្រពៃណីតម្បាញសូត្រ ចំណែកក្រសួងពាណិជ្ជកម្ម ក៏ខិតខំក្នុងការសម្របសម្រួល ស្វែងរកទីផ្សារ និងការជំរុញលើកស្ទួយផលិតផលសូត្រមាស ឬសូត្រប្រណិតរបស់កម្ពុជា ដើម្បីធ្វើពិពិធកម្មការនាំចេញ និងកាត់បន្ថយការនាំចូលសរសៃសូត្រឆៅពីបរទេស។

គួរកត់សម្គាល់ថា សូត្រមាស ឬសូត្រប្រណិត ស្ថិតនៅក្នុងចំណោមផលិតផលអាទិភាពចំនួន ១០ សម្រាប់ជំរុញការអភិវឌ្ឍកំណើនសេដ្ឋកិច្ច និងកាត់បន្ថយភាពក្រីក្រ។ ការលើកកម្ពស់ផលិតកម្មសូត្រមាស សំដៅបង្កើតការងារជូនស្ត្រីនៅតំបន់ជនបទ និងធ្វើពិពិធកម្មការនាំចេញផលិតផលសម្រចេញរបស់រាជរដ្ឋាភិបាលកម្ពុជា៕

បញ្ចេញមតិ

avatar

ព័ត៌មានទាក់ទង

លោកសមរង្ស៊ីធ្វើដំណើរ​ រុលដល់ម៉ាឡេស៊ីខណៈការចូលកម្ពុជាវិញរបស់គាត់កាន់តែខិតជិតមកដល់

Read this article in English ក្រុងភ្នំពេញ៖ បណ[...]

Sam Rainsy traveled to Malaysia as his return to Cambodia drew ever closer

Sam Rainsy traveled to Malaysia as his return to Cambodia drew ever closer

ថ្ងៃសុក្រ ទី១៦ ខែសីហា ឆ្នាំ២០១៩

(Phnom Penh) : Social media has reported on t[...]

ចិនថាកម្ពុជាមានកម្លាំងខាងក្រៅជ្រៀតជ្រែកកិច្ចការផ្ទៃក្នុងរឿងមូលដ្ឋានទ័ព

ភ្នំពេញ៖ ឯកអង្គរដ្ឋទូតនៃសាធារណៈរដ្ឋប្រជាមានិត[...]

ព័ត៏មានថ្មី

វីដេអូថ្មីបំផុត