loader

រណ្ដាប់ទទួលទេវតាឆ្នាំថ្មី

រណ្ដាប់ទទួលទេវតាតាមទំនៀមពីបុរាណរៀងរហូតមក ត្រូវរៀបរានទទួលទេវតានៅខាងមុខផ្ទះមួយសម្រាប់តាំងគ្រឿងពលីការផ្សេងៗ ។ បន្ថែមលើនេះត្រូវរៀបក្រាលសំពត់ពណ៌ស ឬពណ៌ក្រហម តាមលទ្ធភាពដែលមាន ហើយក្រៅពីនេះ ត្រូវរៀបចំនូវគ្រឿងសក្ការបូជាទេវតាមានជាអាទិ៍ បាយសី ៩ថ្នាក់មួយគូ បាយសី ៥ ថ្នាក់មួយគូ បាយសី ៣ថ្នាក់មួយគូ បាយសីប៉ាឆាមមួយគូ ស្លាធម៌មួយគូ ទឹកអប់មួយគូ ទៀន ៥ ធូប៥ លាច៥ ផ្កា៥ ដាក់លើជើងពាន ១គូ ចេកនួន ចេកណាំវ៉ា​ ដាក់លើជើងពានមួយគូ ផ្លែឈើ១១មុខ រៀបដាក់ជើងពាន ១១គូ ដូងឡៅមួយគូ ទឹកស្អាតពីរកែវ ។ 

​បន្ទាប់មកនៅវេលាម៉ោងដែលទេវតាចុះមកត្រូវជួបជុំក្រុមគ្រួសារ ដើម្បីថ្វាយបង្គំព្រះនមស្សការព្រះរតនៈត្រ័យសមាទានសីល ហើយតាំងចិត្តឲ្យបានស្អាតបរិសុទ្ធជ្រះស្រឡះនូវមន្ទិលទាំងពួង តម្កល់ ចិត្តរំពឹងគិតទៅលើព្រះពុទ្ធ ព្រះធម៌ ព្រះសង្ឃជាទីពឹងទីរឮក លុះចប់ពិធីទទួលទេវតា។

ចំពោះបាយសី ៩ថ្នាក់ ៧ថ្នាក់ ជាទំនៀមមានចែងនៅក្នុងសៀវភៅព្រះរាជពិធីទ្វារទសមាសនិងមានអនុវត្តនៅព្រះបរមរាជវាំងតែចំពោះប្រជារាស្រ្ដគួរធ្វើត្រឹម ៥ថ្នាក់ចុះមក ឬរៀបត្រឹមគ្រឿងសក្ការបូជាដែលមានទៀនប្រាំ ធូបប្រាំ ស្លាធម៌ កូនចេកមួយគូ ក៏ល្មមសមគួរដែរ។ ចំពោះផ្លែឈើសម្រាប់ប្រជារាស្រ្ដគួររៀបឲ្យបានត្រឹម ៣ ឬ៥មុខ ក៏ជាការប្រសើរគឺរៀបទៅតាមធនធានរបស់ខ្លួន។

នៅគ្រប់ដង្វាយទាំងអស់ត្រូវដាក់ផ្កាម្លិះភួងពីលើគ្រប់ដង្វាយនៅលើជើងពាន និងលើបាយសីត្រូវដោតទៀនហើយដុតបំភ្លឺ៕

អត្ថបទនេះ ដកស្រង់ពីសៀវភៅ “មហាសង្រ្កាន្ដរបស់លោក អ៊ឹម បុរិន្ទ អគ្គលេខាធិការរងគណៈកម្មាធិការជាតិរៀបចំបុណ្យជាតិ-អន្ដរជាតិ និងជាគណៈកម្មការស្រាវជ្រាវវិជ្ជាហោរាសាស្រ្ដ និងប្រពៃណីទំនៀមទម្លាប់ខ្មែរ “

បញ្ចេញមតិ

avatar

ព័ត៌មានទាក់ទង

លោក សម រង្ស៊ី ប្រាប់ទៅសម្ដេច ហ៊ុន ​សែន ពុំចាំបាច់ផ្ដល់សិទិ្ធដល់១១៨រូបទេ តែមន្ត្រីកាន់អំណាចថាលោកសមរង្ស៊ីគ្មានសិទ្ធិទេ

ភ្នំពេញ៖  លោក សម រង្ស៊ី ប្រធានស្តីទីគណបក្សសង្[...]

មន្រ្តីសិទ្ធិមនុស្ស៖អ្វីរដ្ឋាភិបាលសន្យាការលំហសេរីភាព គឺគ្រាន់តែប្រកាសឲ្យល្អមើលប៉ុណ្ណោះ

ក្រុងភ្នំពេញ៖ កាលពីថ្ងៃម្សិលមិញ គឺជាទិវាសិទ្ធ[...]

សង្គមស៊ីវិលចង់ឃើញរដ្ឋាភិបាលអនុវត្តជាក់ស្តែងលើការបន្ថូរបន្ថយស្ថានការណ៍នយោបាយ

ភ្នំពេញ៖ មន្រ្តីអង្គការផ្នែកសិទ្ធិមនុស្សមួយរូ[...]

ព័ត៏មានថ្មី

វីដេអូថ្មីបំផុត