loader

លោក សម រង្ស៊ីឆ្លើយតបទៅនឹងការរៀបគម្រោងកម្ចាត់លោករបស់នាយករដ្ឋមន្ត្រីកម្ពុជា

ភ្នំពេញ៖ លោក សម​ រង្ស៊ី ប្រធានស្ដីទីអតីតគណបក្សសង្គ្រោះជាតិ បានឆ្លើយតបទៅសម្ដេច ហ៊ុន សែន នាយករដ្ឋមន្ត្រីកម្ពុជាអំពីគម្រោងដែលសម្ដេចចង់កម្ចាត់លោកពេលដែលលោកវិលចូលកម្ពុជាវិញ ។ មន្ត្រីរាជរដ្ឋាភិបាល នៅតែបង្ហាញជំហរថា ត្រៀមនឹងប្រឆាំងចំពោះវត្តមានរបស់លោក សម រង្ស៊ី ។ អ្នកវិភាគថា លោក សម រង្ស៊ី អាចនឹងមិនមកកម្ពុជាក្នុងឆ្នាំ ២០១៩ នេះនោះទេ ។

រាយការណ៍ដោយ លោក សោម លាភ

លោក ស​ម រង្ស៊ីថា សម្ដេច ហ៊ុន សែន មិនហ៊ានកម្ចាត់លោក និងអ្នកដែលអមដំណើរលោកមកកម្ពុជានោះទេ ។

លោកមានប្រសាសន៍ក្នុងបទសម្ភាសជាមួយវិទ្យុអាស៊ីសេរីកាលពីថ្ងៃទី ១៧ កក្កដាថា លោក នឹងវិលមកកម្ពុជានៅពេលដែលស្ថានភាពកម្ពុជាមានភាពល្អប្រសើរ ។

លោក សម រង្ស៊ី​ បានឆ្លើយតបទៅតាមការដែលសម្ដេច ហ៊ុន សែន ថាត្រៀមនឹងកម្ចាត់ដូចនេះថា សូមស្ដាប់លោក សម រង្ស៊ី៖

ទាំងអន្តរជាតិ សង្គមស៊ីវិលមួយចំនួន និងអតីតគណបក្សសង្គ្រោះជាតិ ទាមទារឱ្យរាជរដ្ឋាភិបាលកម្ពុជាស្ដារលទ្ធិប្រជាធិបតេយ្យនៅកម្ពុជា ដោយរៀបចំការបោះឆ្នោតឡើងវិញ ដោះលែងលោក កឹម សុខា បើកឱ្យមន្ត្រីបក្សនេះអាចធ្វើនយោបាយឡើងវិញ និងធ្វើឱ្យមានវត្តមានគណបក្សសង្គ្រោះជាតិ ។

ពួកគេតែងតែអះអាងថា កម្ពុជាគ្មានប្រធាធិបតេយ្យ គ្មានការគោរពសិទ្ធិមនុស្ស និងគ្មាននីតិរដ្ឋ ។

នាយករដ្ឋមន្ត្រីកម្ពុជា តែងតែអះអាងឱ្យកងកម្លាំងកម្ចាត់ក្រុមលោក សម រង្ស៊ីឱ្យខានតែបាន ។ ថ្មីៗនេះ សម្ដេច ហ៊ុន សែន ក៏បានព្រមានថា នឹងមិនឱ្យទិដ្ឋាការដល់បរទេសណា ដែលនឹងចូលរួមអមដំណើរជាមួយលោក សម រង្ស៊ី ។

បើតាមរបាយការណ៍ក្រោមគម្រោង នៃការឃ្លាំមើលសេរីភាពមូលដ្ឋាន ចេញផ្សាយកាលពីថ្ងៃទី ១៨ កក្កដា ដោយមជ្ឈ​មណ្ឌល​សិទ្ធិ​មនុស្ស​កម្ពុជា សមាគម​សិទ្ធិ​មនុស្ស​អាដហុក និង​មជ្ឈ​មណ្ឌល​សាមគ្គី​ភាព បង្ហាញថា រយៈពេល ៣ ឆ្នាំចុងក្រោយនេះ សេរីភាពមូលដ្ឋាននៅកម្ពុជានៅតែមានការរឹតត្បិត ។

លោក សុខ ឥសាន្ត បានប្រាប់វិទ្យុស្ត្រីកម្ពុជាកាលពីថ្ងៃទី ១៨ ម្សិលមិញថា បើកម្ពុជាមានការរំលោភបំពានសិទ្ធិមនុស្ស ច្បាស់ជាមានចលនាបះបោរ ។

លោក ឯម សុវណ្ណារ៉ា អ្នកជំនាញវិទ្យាសាស្ត្រនយោបាយមានប្រសាសន៍ថា លោក សម រង្ស៊ី អាចនឹងមិនទាន់ចូលមកកម្ពុជានៅឡើយនោះទេ នៅឆ្នាំ ២០១៩នេះ លុះត្រាតែប្រាកដថា គ្មានអ្នកចាប់ចងលោក ទើបលោកមក ។

តែយាងណា លោកសមរង្ស៊ីថា ពេលវេលាទុំជ្រុលហើយដែលលោកត្រូវវិលកម្ពុជាវិញ ។

ស្ថានភាពដែលគេកត់សម្គាល់ឃើញថាមានការរិតត្បិតនយោបាយ គឺកើតមានឡើងក្រោយការបោះឆ្នោតឃុំសង្កាត់ កាលពីឆ្នាំ ២០១៧ ដោយមានការបិទសម្លេងផ្សព្វផ្សាយឯករាជ្យ, ចោទប្រកាន់អ្នកនយោបាយ អ្នកសារព័ត៌មាន អ្នកវិភាគ, រំលាយគណបក្សសង្គ្រោះជាតិ ដែលជាគណបក្សប្រឆាំងធំជាងគេ និងហាមឃាត់មន្ត្រីបក្សនេះមិនឱ្យធ្វើនយោបាយជាដើម៕

បញ្ចេញមតិ

avatar

ព័ត៌មានទាក់ទង

លោកសមរង្ស៊ីធ្វើដំណើរ​ រុលដល់ម៉ាឡេស៊ីខណៈការចូលកម្ពុជាវិញរបស់គាត់កាន់តែខិតជិតមកដល់

Read this article in English ក្រុងភ្នំពេញ៖ បណ[...]

Sam Rainsy traveled to Malaysia as his return to Cambodia drew ever closer

Sam Rainsy traveled to Malaysia as his return to Cambodia drew ever closer

ថ្ងៃសុក្រ ទី១៦ ខែសីហា ឆ្នាំ២០១៩

(Phnom Penh) : Social media has reported on t[...]

ចិនថាកម្ពុជាមានកម្លាំងខាងក្រៅជ្រៀតជ្រែកកិច្ចការផ្ទៃក្នុងរឿងមូលដ្ឋានទ័ព

ភ្នំពេញ៖ ឯកអង្គរដ្ឋទូតនៃសាធារណៈរដ្ឋប្រជាមានិត[...]

ព័ត៏មានថ្មី

វីដេអូថ្មីបំផុត