loader

សម្ដេចហ៊ុនសែនថាបើសម្ដេចស្លាប់គណៈរដ្ឋមន្ត្រីត្រូវរលាយហើយអ្នកប្រមាថ​សម្ដេច​នឹង​ស្លាប់គ្មាន​ដីកប់ដូចប៉ុលពត

ភ្នំពេញ៖ សម្ដេច ហ៊ុន សែន ក្រោយពីគម្រាមថាប្ដឹងអ្នកប្រមាថសម្ដេចធ្វើឡើងដោយមន្រ្តីបក្សប្រឆាំងនៅក្រៅប្រទេស សម្ដេចបានគម្រាមទៅគណៈរដ្ឋមន្ត្រីរបស់ខ្លួន ដោយមិនត្រូវបន់ឱ្យសម្ដេចស្លាប់នោះទេ ព្រោះសមាជិករដ្ឋាភិបាល បើកាលណាសម្ដេចស្លាប់ក៏នឹងត្រូវអស់ដំណែងដែរ ។ សម្ដេចក៏ព្រមានផងដែរថា អ្នកណាប្រមាថអាយុជីវិតសម្ដេចនឹងគ្មានវាសនាល្អទេ គឺអាចដូចប៉ុលពតដែលស្លាប់គ្មានដីកប់ ។

រាយការណ៍ដោយលោក សោម លាភ

 

សម្ដេច ហ៊ុន សែន តែងតែជាបញ្ជាក់អំពីការបន្តរស់នៅរបស់ខ្លួន និងកាន់តំណែងជានាយករដ្ឋមន្ត្រីកម្ពុជារយៈពេលវែងទៅមុខទៀត ។ សម្ដេចធ្លាប់មានប្រសាសន៍ថា ពូជសម្ដេចមិនមានអ្នកណាក្រោមអាយុ ៩០ ឆ្នាំឡើយ ។

នៅរយៈពេលចុងក្រោយនេះ អ្នកលេងFacebook មកពីក្រុមបក្សប្រឆាំង នៅក្រៅប្រទេស តែងតែ ប្រមាថអាយុជីវិតសម្ដេចថាមិនអាចមានអាយុវែង​ដូចការកំណត់​ដោយ​ខ្លួនឯងនោះទេ។  ការណ៍នេះ នាំអោយសម្ដេចខឹងខ្លាំងណាស់គឺមិនតែ​ប៉ុណ្ណោះ​សម្ដេច​ព្រមានថាបើសម្ដេចស្លាប់គឺគណៈរដ្ឋមន្ត្រីទាំងមូលនឹងរលាយ។

ថ្លែងនៅចំពោះមុខកម្មករកម្មការនីនៅខេត្តកោះកុង សម្ដេច បានព្រមានថារដ្ឋមន្ត្រីខ្លះ​កុំបន់ឱ្យ​សម្ដេច​ស្លាប់គឺប្រយ័ត្ន គណៈរដ្ឋន្ត្រីរលាយ។  

សម្ដេចនាយករដ្ឋមន្ត្រីបានលើកយកបញ្ញត្តដែលមានចែងក្នុងរដ្ឋធម្មនុញ្ញកម្ពុជាដែលជាច្បប់កំពូលថា ប្រសិននាយករដ្ឋមន្ត្រីស្លាប់ នោះគណៈរដ្ឋមន្ត្រីនឹងរលាយ ។

សម្ដេចថ្លែងថា សម្ដេចជាប្រជានគណបក្សប្រជាជនកម្ពុជាផង និង ជានាយករដ្ឋមន្ត្រីផង ។ សម្ដេចចោទសួរថា តើអ្នកណានឹងស្នើបេក្ខភាព ជានាយករដ្ឋមន្ត្រី ។ សម្ដេចថា រឿងនេះ មិនមែនជារឿងលេងសើចទេ បើសិនជាអត់ ហ៊ុន សែន នឹងរត់ជាន់ជើងគ្នា ។  

ប៉ុន្តែសម្ដេច បញ្ជាក់ថាប្រសិនបើតំណែងនាយករដ្ឋមន្ត្រីនៅទំនេរម្ដងម្កាល នាយករដ្ឋមន្ត្រីអាចចាត់តាំងឧបនាយករដ្ឋមន្ត្រីណាម្នាក់ ឱ្យធ្វើជានាយករដ្ឋមន្ត្រីស្ដីទីបាន ។

​យោងតាមមាត្រា ១១៩​ ថ្មី នៃរដ្ឋធម្មនុញ្ញបានបញ្ញត្តថា «តាម​សេចក្ដី​ស្នើ​ពី​ប្រធាន​ ដោយ​មាន​មតិ​ឯកភាព​​ពី​អនុប្រធាន​ទាំងពីរ​នៃ​រដ្ឋសភា​​ ព្រះមហាក្សត្រ​ទ្រង់​ចាត់​តាំង​វរជន​មួយ​រូប​ ក្នុង​​ចំណោម​តំណាងរាស្ត្រ​នៃ​គណបក្ស​ដែល​ឈ្នះ​ឆ្នោត​ឱ្យ​បង្កើត​ រាជរដ្ឋាភិបាល។ វរជន​​ដែល​ត្រូវ​បាន​​ចាត់​តាំង​នេះ​ នាំ​សហការី​ដែល​ជា​តំណាងរាស្ត្រ​ ឬ​ជា​​សមាជិក​គណបក្ស​តំណាង​​នៅ​ក្នុង​រដ្ឋសភា​ ដែល​ផ្គូរផ្គង​ឱ្យ​កាន់​តំណាង​​ផ្សេងៗ​ ក្នុង​រាជរដ្ឋាភិបាល​ទៅ​សុំ​សេចក្ដី​ទុក​ចិត្ត​ពី​រដ្ឋសភា។ កាល​បើ​រដ្ឋសភា​​បាន​បោះ​ឆ្នោត​ទុក​ចិត្ត​ហើយ​នោះ​ព្រះមហាក្សត្រ​ទ្រង់​ចេញ​ ព្រះរាជក្រឹត្យ​តែងតាំង​គណៈរដ្ឋមន្ត្រី​ទាំងមូល»។

មាត្រា ១២៥​ ថ្មី «បើ​តំណែង​នាយករដ្ឋមន្ត្រី​នៅ​ទំនេរ​ជា​ស្ថាពរ​នោះ​ ត្រូវ​តែងតាំង​គណៈរដ្ឋមន្ត្រី​មួយ​ជា​ថ្មី​ ក្នុង​ល័ក្ខខ័ណ្ឌ​ដែល​មាន​ចែង​ក្នុង​រដ្ឋធម្មនុញ្ញ​នេះ។ បើ​ការ​ទំនេរ​នេះ​ជា​ការ​ទំនេរ​មួយ​កាល​មួយ​គ្រា​ទេ​ ត្រូវ​​ចាត់​តាំង​នាយករដ្ឋមន្ត្រី​​ស្ដី​ទី​ជា​បណ្ដោះ​អាសន្ន»

ប្រធានគណបក្សប្រជាជនកម្ពុជារូបនេះបញ្ជាក់ម្ដងហើយម្ដងទៀតទៅមន្ត្រីរបស់ខ្លួនថា បញ្ឈប់ការបន់ឱ្យសម្ដេចស្លាប់ទៅ តែបើនៅតែបន់ក៏បន់ទៅព្រោះសម្ដេចមិនងាយស្លាប់ទេ ។

ជាមួយគ្នានេះ សម្ដេចបានលើកយកទិដ្ឋភាពដែលប៉ុល ពត មិនចុះសម្រុងជាមួយខ្លួន ហើយប៉ុលពតស្លាប់អត់ដីកប់ ។

ប៉ុល ពត ឬសាឡុត សរ ជាមេដឹកនាំកម្ពុជាក្នុងរបបដែលដាក់ឈ្មោះថា កម្ពុជាប្រជាធិបតេយ្យ ឬដែលគេស្គាល់ថា របបខ្មែរក្រហម ។

របបនេះបានកាន់កាប់នៅកម្ពុជាអស់រយៈពេល ៣ ឆ្នាំ ៨ ខែ​និងម្ភៃថ្ងៃ ។ ពលរដ្ឋភាគច្រើនបានបង្ហាញការឈឺចាប់ចំពោះការដឹកនាំរបស់ប៉ុលពត ដែលសម្លាប់ពលរដ្ឋឯងយ៉ាងរង្គាលរាប់លាននាក់ ។​

យ៉ាងណា ប៉ុល ពត បានស្លាប់ នៅថ្ងៃទី ១៥ ខែមេសា ឆ្នាំ១៩៩៨ ។ សពរបស់គាត់បានបូជានៅថ្ងៃទី ១៧ មេសា ឆ្នាំ ១៩៩៨ នៅស្រុកអន្លង់វែង ខេត្តបន្ទាយមានជ័យ នៅលើដងភ្នំដងរែក​ ដែលមានចម្ងាយឆ្ងាយពីខ្ទមរបស់គាត់ប្រមាណ ១០ គីឡូម៉ែត្រ ។

ការការបូជាសពរបស់ប៉ុល ពត ពុំមានព្រះសង្ឃសូត្រមន្តនោះឡើយ ហើយគេដុតគាត់នឹងកង់ឡាន ។

ទិដ្ឋភាពនោះមិនសូវមានសាច់ញាត់ ឬប្រជាជនទូទៅចូលរួមទេ ដែលភាគច្រើនមានតែកងយោធាខ្មែរក្រហមតែប៉ុណ្ណោះ ៕

ព័ត៌មានទាក់ទង

អាណាព្យាបាលនិងសិស្សប្រឡងបាក់ឌុបរីករាយចំពោះការរឹត បណ្តឹងពេលប្រឡង

ភ្នំពេញ៖ នៅថ្ងៃទី១៩ ខែសីហា ឆ្នាំ២០១៩ នេះក្រសួ[...]

លោកសមរង្ស៊ីធ្វើដំណើរ​ រុលដល់ម៉ាឡេស៊ីខណៈការចូលកម្ពុជាវិញរបស់គាត់កាន់តែខិតជិតមកដល់

Read this article in English ក្រុងភ្នំពេញ៖ បណ[...]

Sam Rainsy traveled to Malaysia as his return to Cambodia drew ever closer

Sam Rainsy traveled to Malaysia as his return to Cambodia drew ever closer

ថ្ងៃសុក្រ ទី១៦ ខែសីហា ឆ្នាំ២០១៩

(Phnom Penh) : Social media has reported on t[...]

ព័ត៏មានថ្មី

វីដេអូថ្មីបំផុត