loader

ស្រុកមួយទៀតរបស់កម្ពុជាប្រកាសបញ្ឈប់ការបន្ទោរបង់ពាសវាលពាសកាល

ភ្នំពេញ៖ ស្រុករំដួល ខេត្តស្វាយរៀង បានប្រកាសផ្លូវការជាស្រុកបញ្ឈប់ការបន្ទោរបង់​ពាសវាលពាសកាល (ODF District) ដែលធ្វើឱ្យចំនួនស្រុកបញ្ឈប់ការបន្ទោបង់ពាស វាលពាសកាលកើនបានចំនួន ៣ នៅទូទាំងប្រទេស។ នេះបើយោងតាមទំព័រហ្វេសប៊ុកសាលាខេត្តស្វាយរៀង និងទំព័រហ្វេសប៊ុក«ទឹកស្អាត និង អនាម័យជនបទ»របស់បណ្តាញអ្នកកាសែតទឹកស្អាត និងអនាម័យជនបទកម្ពុជា។

ពិធីប្រារព្ធការប្រកាសស្រុករំដួល ខេត្តស្វាយរៀង ជាស្រុកបញ្ឈប់ការបន្ទោរបង់ពាសវាលពាសកាល។រូបភាពសាលាខេត្តស្វាយរៀង

ការប្រកាសនេះធ្វើឡើងកាលពីថ្ងៃទី៣១ ខែកក្ដដា ម្សិលមិញ ដោយមានការចូលរួមពីមន្រ្តីក្រសួងអភិវឌ្ឍន៍ជនបទ និងមន្រ្តីខេត្តស្វាយរៀង។

លោក ទ្រី ម៉េង រដ្ឋលេខាធិការក្រសួងអភិវឌ្ឍន៍ជនបទ កោតសរសើរមន្រ្តី និងអ្នកពាក់ព័ន្ធទាំងអស់ក្នុងស្រុករំដួល ដែលបានខិតខំប្រឹងប្រែងរួមសហការជំរុញឱ្យស្រុករំដួលក្លាយជាស្រុកគ្មានការបន្ទោរបង់ពាសវាលពាសកាលតទៅទៀត។

ការសម្រេចបានសមិទ្ឋផលនេះបានផ្តល់គុណប្រយោជន៍យ៉ាងច្រើនសម្រាប់កម្ពុជា ទាំងផ្នែកសេដ្ឋកិច្ច ទេសចរណ៍ សុខភាព និងសេចក្តីថ្លៃថ្នូរ។

ពលរដ្ឋម្នាក់ក្នុងខេត្តកំពតទទួលទានទឹកស្អាតក្នុងតម្លៃសមរម្យ(១០០០៛/មួយដបខៀវ)។រូបភាព កែវ សុខា /WMC

ចំណែកលោក តូច ប៉ូលីវ៉ា អភិបាលរងខេត្តស្វាយរៀង អំពាវនាវដល់ប្រជាពលរដ្ឋទាំងអស់ក្នុងខេត្តស្វាយរៀង ចូលរួមប្ដូរទម្លាប់ពីការបន្ទោបង់ពាសវាលពេលកាល មកសាងសង់បង្គន់អនាម័យប្រើប្រាស់ ហូបទឹកស្អាត លាងដៃជាមួយសាប៊ូ។ ជាងនេះទៀតលោកជំរុញឱ្យមានការបន្តអប់រំ ផ្សព្វផ្សាយ ដើម្បីទទួលបានភាពរីកចម្រើនប្រកបដោយសុខមាលភាពទាំងអស់គ្នា។  

ស្រុកចំនួន២ ក្នុងខេត្តស្វាយរៀង មានឃុំចំនួន ២៩ ភូមិចំនួន ៣៣៣ បានសម្រេចនូវការបញ្ឈប់បន្ទោបង់ពាសវាលពាសកាល។ បច្ចុប្បន្ននេះពលរដ្ឋមានប្រភពទឹកប្រើប្រាស់ចំនួន ៩៩.៤% និងអត្រាប្រជាពលរដ្ឋប្រើប្រាស់ទឹកមានសុវត្ថិភាពចំនួន ៨៥.៨% ការប្រើប្រាស់បង្គន់អនាម័យចំនួន ៩០% និងគ្រួសារដែលសាងសង់ និងទម្លាប់លាងដៃជាមួយសាប៊ូមានចំនួន ៨៩%។

របាយការណ៍ស្តីពី ផលប៉ះពាល់ផ្នែកសេដ្ឋកិច្ចនៃអនាម័យនៅកម្ពុជាឆ្នាំ២០០៨ របស់ធនាគារពិភពលោករកឃើញថា កម្ពុជាបានខាតបង់ថវិកាប្រមាណ ២៤៨លានដុល្លារក្នុងមួយឆ្នាំដោយការបរិភោគទឹកមិនស្អាត និងការបន្ទោបង់ពាសវាលពាសកាល។ ក្នុងនោះកម្ពុជាខាតបង់ថវិកាចំនួន ១៨៧លានដុល្លារលើការព្យាបាលជំងឺ។ ខាតបង់ថវិកាដោយការបំពុលប្រភពទឹកបណ្តាលមកពីលាមកចំនួន ១៥០លានដុល្លារក្នុងមួយឆ្នាំ។ ខាតបង់ថវិកាដោយការចំណាយពេលធ្វើដំណើរទៅបន្ទោបង់ពាសវាលពាសកាលក្នុងព្រៃចំនួន ៣៨ លាដុល្លារក្នុងមួយឆ្នាំ។ ខាតបង់ចំណូលពីភ្ញៀវទេសចរប្រមាណ ៧៣លានដុល្លារ។ សរុបមកប្រជាជនកម្ពុជាត្រូវខាតបង់ថវិកាចំនួន ៣២ដុល្លារក្នុងម្នាក់ ដោយមូលហេតុបន្ទោបង់ពាសវាពាសកាលនេះ៕

បញ្ចេញមតិ

avatar

ព័ត៌មានទាក់ទង

លោកសមរង្ស៊ីធ្វើដំណើរ​ រុលដល់ម៉ាឡេស៊ីខណៈការចូលកម្ពុជាវិញរបស់គាត់កាន់តែខិតជិតមកដល់

Read this article in English ក្រុងភ្នំពេញ៖ បណ[...]

Sam Rainsy traveled to Malaysia as his return to Cambodia drew ever closer

Sam Rainsy traveled to Malaysia as his return to Cambodia drew ever closer

ថ្ងៃសុក្រ ទី១៦ ខែសីហា ឆ្នាំ២០១៩

(Phnom Penh) : Social media has reported on t[...]

ចិនថាកម្ពុជាមានកម្លាំងខាងក្រៅជ្រៀតជ្រែកកិច្ចការផ្ទៃក្នុងរឿងមូលដ្ឋានទ័ព

ភ្នំពេញ៖ ឯកអង្គរដ្ឋទូតនៃសាធារណៈរដ្ឋប្រជាមានិត[...]

ព័ត៏មានថ្មី

វីដេអូថ្មីបំផុត