loader

អាមេរិកផ្ញើសារជូនពរពលរដ្ឋកម្ពុជាដោយសង្ឃឹមថាទំនាក់ទំនងកម្ពុជា-អាមេរិកនៅតែរឹងមាំ

ភ្នំពេញ ៖ រដ្ឋមន្ត្រីស្ដីទីនៃក្រសួងការបរទេស អាមេរិកលោកJohn Sullivan  ដែលតំណាងអោយរដ្ឋាភិបាល របស់លោក ប្រធា នាធិបតី ដូណាល់ ត្រាំ បានផ្ញើសារជូនពលពលរដ្ឋកម្ពុជា ក្នុងឱកាសប្រទេសកម្ពុជាប្រារព្ធពិធីបុណ្យចូលឆ្នាំ នៅឆ្នាំ២០១៨នេះ។

សារលិខិត របស់រដ្ឋមន្ត្រី John Sullivan  ដែលត្រូវបង្ហោះជាសាធារណៈ លើបណ្ដាញសង្គម នៅថ្ងៃនេះ មានខ្លឹមសារដូចនេះ ថា៖«តាងនាមអោយរដ្ឋាភិបាលសហរដ្ឋអាមេរិក ខ្ញុំសូមចូលរួមអបអរសាទរ ជាមួយពលរដ្ឋកម្ពុជា ក្នុងឱកាសបុណ្យចូលឆ្នាំប្រពៃណីជាតិនេះ។

លិខិតជូនពររបស់លោករដ្ឋមន្ត្រីស្ដីទីនៃក្រសួងការបរទេសអាមេរិក បានបញ្ជាក់ទៀតថា៖«ទំនាក់ទំនងរវាងប្រជាជនកាន់តែរឹងមាំ ដែលស្ថាបនាបាននូវសេចក្ដីប្រថា្នទៅវិញទៅមក ដើម្បីសន្តិភាព ភាពរុងរឿងនិងសេរីភាព ។ ក្នុងន័យនេះសង្ឃឹមថា ចំណងទាក់ទងជាមិត្តភាពនឹងត្រូវបានពង្រឹងនៅឆ្នាំបន្តទៀត»។

ទំនាក់អាមេរិកនិងកម្ពជានៅពេលនេះស្ថិតក្នុងស្ថានភាព មួយពុំច្បាស់លាស់ បន្ទាប់ពីការអាមេរិកបានសម្រេចព្យួរសហប្រតិបត្តិការមួយចំនួនជាមួយកម្ពុជា ដូចជាអាមេរិកសម្រេចព្យួរ ជំនួយសម្រាប់ការបោះឆ្នោតនៅកម្ពុជា និងជំនួយមួយចំនួន ក្រោមហេតុផលដែលទីក្រុងវ៉ាស៊ីនតោន ថាបក្សកាន់អំណាចនៅកម្ពុជាកំពុងធ្វើអោយលទ្ធិប្រជាធិបតេយ្យស្លាប់ ដោយសារការចាប់ខ្លួនលោកកឹមសុខា និងការំលាយគណបក្សសង្រ្គោះជាតិ។

បន្ថែមលើសនេះទៀតអាមេរិកក៏សម្រេចព្យួរទិដ្ឋាការនិងរៀបចំចាត់វិធានការបង្កក ទ្រព្យសម្បតិ្តមន្ត្រីបក្សកាន់អំណាច កម្ពុជា មួយចំនួន។

តែបែបនេះក្ដី អ្នកនាំពាក្យបក្សកាន់អំណាច បានហៅជំហររបស់សេតវិមាន និងសភាអាមេរិកថាជាទង្វើលំអៀងទៅរកបក្សប្រឆាំងរបស់ប្រទេសកម្ពុជា៕

បញ្ចេញមតិ

avatar

ព័ត៌មានទាក់ទង

WMC ផ្តល់វគ្គបណ្តុះបណ្តាលអ្នកសារព័ត៌មានស្តីពីការលើកកម្ពស់ស្រ្តីនិងយុវជនក្នុងភាពជាអ្នកដឹកនាំ

ភ្នំពេញ៖ មណ្ឌលព័ត៌មានស្រ្តីកម្ពុជា(WMC)នៅថ្ងៃ[...]

មន្ត្រីជាន់ខ្ពស់ចិនថាចិនមិនបានទាញកម្ពុជាធ្លាក់ក្នុងអន្ទាក់ខ្លួនទេតែអ្នកវិភាគថាកម្ពុជាខ្លួនឯងត្រូវកុំឱ្យធ្លាក់ក្នុងអន្ទាក់ចិន

អនុរដ្ឋមន្រ្តីក្រសួងការបរទេសចិនបានមកធ្វើទស្សន[...]

នាយករដ្ឋមន្ត្រីថាការបោះឆ្នោតឆ្នាំ ២០២៣ អាចនឹងមានបញ្ហា ខណៈអ្នកវិភាគថាមកពី​បញ្ហា​នយោបាយបច្ចុប្បន្ន

សម្ដេច ហ៊ុន សែន ថ្លែងថា ការបោះឆ្នោតឆ្នាំ​២០២៣[...]

ព័ត៏មានថ្មី

វីដេអូថ្មីបំផុត