របាយការណ៍របស់អង្គការសុខភាពពិភពលោកថា បច្ចុប្បន្នសង្គមដ៏ជឿនលឿននេះ នឹងនាំឱ្យបញ្ហាផ្លូវចិត្ត ក្លាយជាជំងឺធំទី២របស់ពិភពលោកនាពេលអនាគត។ មិនថាឡើយតែប្រទេសកម្ពុជាទេ ស្រ្ដីមានជម្ងឺផ្លូវចិត្តខ្ពស់ជាងបុរសពីរដង ដោយហេតុមកពីកត្តា សង្គម ជីវសាស្រ្ដ និង ចិត្តសាស្រ្ដ។ កត្តាទាំងអស់នេះ នឹងនាំមកនូវផលវិបាកដល់សង្គមដ៏ច្រើនសន្ធឹកសន្ធាប់ គឺនៅពេលដែលមនុស្សមានបញ្ហាផ្លូវចិត្ត ចាប់ផ្ដើមបោះបង់ខ្លួនឯង។ វេជ្ជបណ្ឌិត យឹម សុបុត្រា ជាគ្រូពេទ្យឯកទេសផ្នែកចិត្តសាស្រ្ដ បានផ្ដល់បទសម្ភាសនឹងវិទ្យុស្រ្ដី ដោយលើកទឹកចិត្តឱ្យមនុស្សខ្លួនឯងព្យាបាលជាបឋម ឬ ហៅថា ការរៀបចំអាហារផ្លូវចិត្តឱ្យបានត្រឹមត្រូវ និង កុំខកខានក្នុងការពិគ្រោះយោបល់នឹងអ្នកឯកទេស ដើម្បីសម្រាលបន្ទុកទាំងឡាយបានយ៉ាងប្រសើរ។ លោកថាដោយសារកត្តាសង្គមគឺចំពោះស្ត្រីវ័យក្មេងច្រើនមានវិបត្តិផ្លូវចិត្ត។
សូមស្ដាប់ បទសម្ភាសពិស្ដាររវាង កញ្ញា ឆោមពៅនិកា និង វេជ្ជបណ្ឌិត យឹម សុបុត្រា ដូចតទៅ៖
