នៅថ្ងៃអាទិត្យទី២៤មីនា សប្ដាហ៍ក្រោយនេះ គឺជាការបោះឆ្នោតសភា នៅប្រទេសថៃ។ គេរំពឹងថា ពលរដ្ឋដែលមានសិទ្ធិបោះឆ្នោតជាង៥១លាននាក់នឹងប្រើសិទ្ធិរបស់ពួកគេជាថ្មីទៀតជ្រើសរើស មេដឹកនាំរបស់ខ្លួន អោយដឹកនាំរដ្ឋាភិបាលជំនួសរដ្ឋាភិបាល កើតចេញពីរដ្ឋប្រហារ កាលពីខែឧសភា ឆ្នាំ២០១៤។
នៅខណៈនេះ បក្សនយោបាយជាង៨០ បានធ្វើសកម្មភាពឃោសនា យ៉ាងសកម្មដើម្បីទាក់ទាញការគាំទ្រអ្នកបោះឆ្នោត។ ក្នុងនោះ មេបក្សនយោបាយមួយដែលកើតចេញពីពួកយោធា គឺលោកឧត្តមសេនីយ៍ប្រាយុទ្ធចាន់អូចា ដែលជាម៣មេដឹកនាំរដ្ឋប្រហារ នៅថ្ងៃព្រហស្បតិ៍ទី ១៤មីនានេះ លោកបានទៅឃោសនារកសំឡេងឆ្នោតនៅ ខេត្តកំណើតរបស់លោក គឺខេត្ត Nakhon Ratchasima ។
ថ្លែងទៅកាន់ អ្នកគាំទ្រ លោកប្រាយុទ្ធដែលទំលាក់ផ្កាយចេញពីស្មា បានច្រៀងវគ្គមួយនៃបទចម្រៀងមួយបទ គួរអោយជក់ចិត្ត។ ចម្រៀងនេះ មានន័យដាស់តឿន ពលរដ្ឋអោយលង់លក់នឹងសមិទ្ធផល របស់រដ្ឋាភិបាលរបស់លោក។ លោកថា បទចម្រៀងនេះ នាំអោយមានការអភិវឌ្ឍប្រទេស។ តែយ៉ាងណា លោកបានទទូចជាខ្លាំងសុំអំណាចពីពលរដ្ឋថៃគឺសុំកាន់អំណាចជាអ្នកលនាយករដ្ឋមន្ត្រី ៥ទៅមុខទៀត។
លោកសន្យាបន្តកសាងគំរោងអភិវឌ្ឍន៍ទាំងឡាយណាដែលមិនទាន់ស្ថាបនា រូចហើយគឺអោយហើយទាំងស្រុង។
នៅក្នុងការបោះឆ្នោតនេះ បក្សនយោបាយធំបីកំពុងក្លាយជាចំណីអារម្មណ៍របស់អ្នកបោះឆ្នោតក្នុងនោះមានគណបក្សបាល័ង្កបា្រចារ៉ាត់ របស់លោកប្រាយុទ្ធ គណបក្សភឿថៃ ដែលអតីតនាយករដ្ឋមន្ត្រីថាក់ស៊ីននៅពីក្រោយនិងគណបក្សប្រជាធិបតេយ្យ ដឹកនាំដោយលោកអាប់ភីស៊ីតវេចាជីវាដែលជាបក្សនយោបាយមានកម្លាំងធំជាងគេ។ បក្សធំបីនេះ និងបក្ស៧៨បក្សទៀត ត្រូវប្រកួតគ្នា លើសមរភូមិតែមួយ ហើយដណ្ដើមអាសនៈសភា ចំនួន៥០០៕
