en     km
en     km

អ្នកវិភាគ​ ៖​ ឆ្នាំ​២០១៦​ ខ្មែរ​បែកបាក់​គ្នា​ដោយសារ​តែ​សភា​ និង​ តុលាការ​ ជា​ឧបករណ៍​បក្ស​កាន់​អំណាច​

Share

​ភ្នំពេញ​ ៖​ រយៈពេល​មួយ​ឆ្នាំ​កន្លង​មកនេះ​ គ្មាន​អ្វី​ដែល​នយោបាយ​ខ្មែរ​បានជា​នា​គ្នា​ដើម្បី​ប្រទេស​ជាតិ​ទេ​  គឺ​មាន​តែ​ហែកហួរ​គ្នា​ យកឈ្នះ​រៀងៗ​ខ្លួន​។​ បក្ស​ប្រឆាំង​ ខិតខំ​បង្កើន​កម្លាំង​គាបសង្កត់​បក្ស​កាន់​អំណាច​ឱ្យ​ទទួលស្គាល់​ថា​ កម្លាំង​របស់​ខ្លួន​ដែល​មាន​ពលរដ្ឋ​គាំទ្រ​ច្រើន​នឹង​ធ្វើ​ឱ្យ​មាន​តុល្យភាព​អំណាច​។​ តែ​បក្ស​កាន់​អំណាច​វិញ​ ខិតខំ​ប្រើ​អំណាច​របស់​ខ្លួន​ តាម​រយៈ​ប្រព័ន្ធ​តុលាការ​ និង​ តាម​កង​សន្តិ​ស​សុខ​គាបសង្កត់​ចោទ ប្រកាន់​ សកម្មជន​ និង​មេដឹកនាំ​បក្ស​ប្រឆាំង​ រហូត​មានការ​ផ្តន្ទាទោស​។​ ទាំងនេះ​ធ្វើ​ពក​រដ្ឋ​មានការ​ភ័យ​ខ្លាច​ពី​ការ​រស់នៅ​មួយ​ដែល​មិន​មាន​សុវត្ថិភាព​គ្រប់គ្រាន់​។​

​អ្នកវិភាគ​យល់​ឃើញ​ថា​ មួយ​ឆ្នាំ​មកនេះ​គណបក្ស​ធំៗ​ពីរ​នៅ​កម្ពុជា​ គឺ​គណបក្ស​ប្រជាជន​កម្ពុជា​របស់​សម្ដេច​ហ៊ុន​ សែន​ និង​គណបក្សប្រឆាំង​ដឹកនាំ​ដោយ​លោក​ សម​ រ​ង្ស៊ី​ មិន​បាន​ធ្វើ​ឱ្យ​ជាតិ​មាន​កិត្តិយស​ខ្ពស់​មុខ​ខ្ពស់​មាត់​លើ​ឆាក​អន្តរជាតិ​នោះ​ទេ​ គឺ​មាន​តែ​អាប់អោន​។​

តាម​អ្នកវិភាគ​អ្វី​ដែល​នាំ​ឱ្យ​អ្នកនយោបាយ​ខ្មែរ​ បែកបាក់​គ្នា​គឺ​មក​ពី​ប្រព័ន្ធ​តុលាការ​ និង​សភា​នៅ​តែ​ជា​ឧ​បករ​ ណ៍​របស់​បក្ស​កាន់​អំណាច​។​  

​តទៅ​នេះ​សូម​អញ្ជើញ​ស្តាប់​សម្រង់​វិភាគ​របស់​អ្នកវិភាគ​រៀបចំ​ដោយ​ លោក​ ធូ​ វិ​រៈ​ ដូច​តទៅ​!

ស្តាប់សំឡេង៖

 

លោក សម រង្ស៊ី ប្រធានគណបក្សសង្គ្រោះជាតិ(ឆ្វេង) សម្តេច ហ៊ុន សែន (ស្តាំ)។
លោក សម រង្ស៊ី ប្រធានគណបក្សសង្គ្រោះជាតិ(ឆ្វេង) សម្តេច ហ៊ុន សែន (ស្តាំ)។
អ្នកវិភាគ​មួយ​ចំនួន​បាន​បង្ហាញ​ទស្សនៈ​ថា​ អ្នកនយោបាយ​ដែល​មាន​អាសនៈ​នៅ​ក្នុង​រដ្ឋសភា​ខិតខំ​ប្រឹងប្រែង​ធ្វើ​កិច្ចការ​សម្រាប់​ប្រយោជន៍​ប្រជា ពលរដ្ឋ​ និង​ប្រទេស​ជាតិ​បាន​តិចតួច​ ក្រៅពី​អ្វី​ដែល​អ្នកវិភាគ​ថា​ មាន​តែ​ការ​ហែកហួរ​គ្នា​ប៉ុណ្ណោះ​។​

អ្នក​ឃ្លាំមើល​បញ្ហា​នយោបាយ​ និង​សង្គម​ លោក​ កឹ​ម​ សុខ​ យល់​ឃើញ​ថា​ អ្នកនយោបាយ​កម្ពុជា​ នៅ​ក្នុង​ឆ្នាំ​ ២០១៦​ បាន​ធ្វើ​កិច្ចការ​សម្រាប់​ប្រយោជន៍​បាន​តិចតួច​។​

តាម​លោក​ កឹ​ម​ សុខ​  អ្វី​នាំ​ឱ្យ​មានការ​បែកបាក់​គ្នា​ដ៏​ធ្ងន់ធ្ងរ​នៅ​ឆ្នាំ​ ២០១៦​ នេះ​ គឺ​ដោយសារ​គណបក្សកាន់អំណាច​បាន​ប្រើ​យុទ្ធសាស្ត្រ​បំបែក បំបាក់​ដោយ​ប្រើ​ប្រព័ន្ធ​យុត្តិធម៌​ សភា​ សម្រាប់​តែ​បក្សពួក​ខ្លួន​។​ ​លោក​ កឹ​ម​ សុខ​៖«​យើង​ត្រូវ​ពង្រឹង​ការ​អនុវត្ត​ច្បាប់​ តុលាការ​ជា​តុលាការ​មែន​តែ​ន​ មិន​តុលា​គាប​ តុលា​កាង​ បាន​ន័យ​ថា​ មិន​តុលា​គាប​ប្រជារាស្ត្រ​តូចតាច​ អ្នក​ទន់ខ្សោយ​ ហើយ​កាង​ ការពារ​អ្នក​កាន់​អំណាច​។​ សភាជាតិ​មែន​តែ​ន​ មិន​សភា​កូនជឹង​ សភា​ជឹ​ង​ ដែល​ជួ​យស​ម្រួ​ស​ការងារ​ដល់​ គណបក្សកាន់អំណាច​ ហើយ​ស្ថាប័នរដ្ឋ​ផ្សេងៗ​ទៀត​ជា​ស្ថាប័នរដ្ឋ​ដែល​បំរើ​ប្រជារាស្ត្រ​មែន​តែ​ន​»​។​

​បើ​និយាយ​ពី​ប្រព័ន្ធ​យុត្តិធម៌​នេះ​ គឺ​ពិតជា​គេ​លើក​ឡើង​ពី​ការ​ប្រើប្រាស់​ស្តង់ដា​ទៅ​លើ​សំនុំរឿង​តែ​មួយ​ ឬ​ប្រហាក់ប្រហែល​គ្នា​។​

សាស្ត្រាចារ្យ​វិទ្យាសាស្ត្រ​នយោបាយ​ លោក​ ឯម​ សុ​វ​ណ្ណា​រ៉ា​ បាន​បង្ហាញ​ទស្សនៈ​យល់​ស្រប​ការ​លើក​ឡើង​នេះ​។​ លោក​សាស្ត្រាចារ្យ​ យល់​ថា​ តុលាការ​កម្ពុជា​មិន​ទាន់​ផ្តល់​សេចក្តី​ទុកចិត្ត​ដល់​គ្រប់​ភាគី​ពាក់ព័ន្ធ​នៅឡើយ​។​ លោក​ថា​ ប្រជាជន​ខ្មែរ​ត្រូវការ​អ្នកនយោបាយ​ខ្មែរ​មានការ​ឯកភាព​គ្នា​ លើ​គោល​ការ​ណ៏​ធំ​ ២​ នេះ​៖​ «​ទី​១​ គិត​អំពី​បញ្ហា​យុត្តិធម៌​ក្នុង​សង្គម​ ទី​២​ ពាក់ព័ន្ធ​តម្រូវការ​របស់​ពលរដ្ឋ​ តម្រូវការ​ប្រជាពលរដ្ឋ​មាន​សិទ្ធិ​សេរីភាព​ សិទ្ធិ​នយោបាយ​ មាន​ជីវភាព​រស់នៅ​សមរម្យ​ ប្រាក់​ចំណូល​ទាំង​អ្នករាជការ​ ទាំ​ង​ពលរដ្ឋ​សម​ញ្ញ​ ហើយ​រក្សា​បូរណភាព​ទឹកដី​»​។​

​ជា​ការ​ពិត​ការ​បែកបាក់​ជាតិ​ មិនមែន​មាន​តែ​សម័យនេះ​ទេ​ គឺ​មាន​ច្រើន​ជំនាន់​មក​ហើយ​។​ ខ្មែរ​ចាប់ផ្ដើម​ជួប​រឿងអាស្រូវ​ជូរ​ចត់​ គឺ​ក្រោយ​ ពី​សេនា ប្រមុខ​ លន់​ ន​ល់​ ធ្វើ​រដ្ឋប្រហារ​រដ្ឋ​ធម្ម​ន​ញ្ញ​ទម្លាក់​ព្រះមហាក្សត្រ​សម្ដេចឪ​នរោត្តម​សីហ​នុ​ ពី​ប្រមុខរដ្ឋ​នៅ​ឆ្នាំ​ ១៩៧០​។​ការ​បែកបាក់​ជាតិ​ បាន​ផ្ដើម​ឱ្យ​មាន​របប​កម្ពុជា​ប្រជា​ជ​ធិ​ប​តេ​យ្យ​ ដែល​នាំ​ឱ្យ​មាន​របប​ប្រល័យពូជសាសន៍​។​ ការ​បែកបាក់​ជាតិ​ធ្ងន់ធ្ងរ​នេះ​ ក៏​នៅ​តែ​អ្នក​បាយ​ខ្មែរ​មិន​ តក់ស្លុត​ឡើយ​ ។​ ពេល​នេះ​ ក៏​អ្នកសង្កេតការ​ណ៏​ថា​ ខ្មែរ​នឹង​បែកបាក់​គ្នា​ធ្ងន់ធ្ងរ​ បើ​ម្នាក់​រត់ចោលស្រុក​ ម្នាក់​ប្រើ​អំណាច​លើសលប់​។​

លោក​ កឹ​ម​ សុខ​ អ្នក​ឃ្លាំមើល​បញ្ហា​នយោបាយ​ និង​សង្គម​ យល់​ស្រប​ការ​លើក​ឡើង​នេះ​។​ លោក​វិភាគ​ឃើញ​មួយ​ជ្រុង​ទៀត​ ដែល​នាំ​ឱ្យ​ខ្មែរ​បន្ត​បែកបាក់​គឺ​ករណី​ការ​ប្រើ​អំណាច​របស់​បក្ស​កាន់​អំណាច​ ដែល​លោក​ថា​រំលោភ​រដ្ឋធម្មនុញ្ញ​។​ លោក​ គឹ​ម​ សុខ​៖«​ធ្វើ​សម្រាប់​ប្រទេស​មែន​តែ​ន​ ជា​ផលប្រយោជន៍​ជាតិ​ជាក់ស្តែង​ ខ្ញុំ​មើលឃើញ​..​ប៉ុន្តែ​ជាក​បង្ក​បញ្ហា​ទៅ​វិញ​ បង្ក​បញ្ហា​ធ្វើ​ឲ្យ​គណបក្សប្រឆាំង​មិន​អាច​អនុវត្តន៍​ការងារ​របស់​ខ្លួន​បាន​ ស្រប​ទៅ​តាម​រដ្ឋធម្មនុញ្ញ​ ។​ក្នុង​នាម​គេ​ជា​បក្ស​ប្រឆាំង​ក្នុង​សភា​ គណបក្សកាន់អំណាច​ដូច​ជា​គ្រាន់​ធ្វើ​អ្វីៗ​ ដើម្បី​បំបាក់​ បំបែក​គណបក្សប្រឆាំង​ប៉ុណ្ណឹង​ទេ​ ដូច​ជា​អត់​បាន​ធ្វើ​អ្វី​ប្រយោជន៍​ធំ​ដ៏​ប្រទេស​ជាតិ​សោះ​»​។​

លោក គឹម សុខ អ្នកឃ្លាំមើលពីការអភិវឌ្ឍសង្គម
លោក គឹម សុខ អ្នកឃ្លាំមើលពីការអភិវឌ្ឍសង្គម
​តែ​បែប​នេះ​ក្ដី​សម្រាប់​អ្នក​ នាំពាក្យ​បក្ស​កាន់​អំណាច​ មិន​យល់​ស្រប​នឹង​ទស្សនៈ​នេះ​ឡើយ​។​ លោក​ សុខ​ឥ​សាន្ត​ អ្នកនាំពាក្យ​បាន​អះអាង​ថា​ បក្ស​កាន់​អំណាច​មិន​បាន​ប្រើប្រាស់​អំណាច​ឱ្យ​ខុសច្បាប់​ទម្លាប់​នោះ​ ឡើយ​។​ លោក​បាន​ហៅ​ការ​យល់​ឃើញ​របស់​អ្នកវិភាគ​ថា​ មិន​មាន​មូលដ្ឋាន​ត្រឹមត្រូវ​។​ លោក​ សុខ​ ឥ​សាន្ត​៖«​ខ្ញុំ​សូម​បដិសេធ​ទាំង​ស្រុង​ហើយ​ មិនមែន​គណបក្សកាន់អំណាច​យក​តុលាការ​ទៅ​គាបសង្កត់​ដៃគូរ​គណបក្ស​ផ្សេងៗ​ទេ​។​ តែ​ធាតុ​ពិត​យើង​មើល​រឿងហេតុ​គឺជា​កើតឡើង​ពី​មន្ត្រី​គណបក្ស​ដៃគូរ​ប្រកួត​ប្រ​ជែក​បាន​ព្រឹ​ត្ត​ល្មើ​ល​ខុសច្បាប់​ ដូច្នេះ​   ត្រូវ​តែ​ទទួលខុសត្រូវ​ចំពោះ​មុខ​ច្បាប់​ នេះ​ហើយ​ហៅ​ថា​ ពង្រឹង​នីតិរដ្ឋ​នោះ​»​

​យ៉ាងណា​ក៏​ដោយ​អតីត​ព្រះមហាក្សត្រ​ ព្រះបាទ​ នរោត្ដម​ សីហ​នុ​ មុន​នឹង​ព្រះ​អង្គ​សោយ​ទិវង្គត​ ព្រះ​អង្គ​បាន​ផ្ដាំផ្ញើ​ឱ្យ​ខ្មែរ​ជានា​គ្នា​អោយ​បាន​ទូលំ ទូលាយ​ ប្រយោជន៍​ដើម្បី​ការ​អភិវឌ្ឍ​ប្រទេស​ជាតិ​ ជា​ពិសេស​ព្រះ​អង្គ​មាន​បន្ទូល​ថា​ ការ​ដែល​អ្នកនយោបាយ​ខ្មែរ​បែកបាក់​គ្នា​ អ្នក​ដែល​ចំនេញ​គឺ​ប្រទេស​ជិតខាង​ដែល​មាន​ម​ហិ្ឆ​ច​តា​ចង់​កេង​ចំណេញ​លើ​ប្រទេស​កម្ពុជា​៕

Share

Image
Image
Image