ខេត្តបាត់ដំបង៖ អ្នកប្រកបរបរដាំបន្លៃ និយាយថា បន្លៃស្ពៃងាយស្រួលដំា ថែទាំ និងផ្តល់ទិន្នផលខ្ពស់។ពិសេស បន្លៃស្ពៃ ងាយរកទីផ្សារ ព្រោះដំណាំស្ពៃមិនរើសដីអាចដាំលើដីគ្រប់សណ្ឋាន លើកលែងតែដីជាំទឹក។
អ្នកស្រី ហេង ឡៃ កសិករដាំបន្លៃ នៅភូមិវាល ឃុំតាលាស់ ស្រុកមោងឫស្សី ខេតបាត់ដំបង មានប្រសាសន៍ថា អ្នកស្រី អាចប្រមូលផលស្ពៃប្រមាណ ៨០ គីឡូក្រាមក្នុងមួយរង។ សព្វថ្ងៃស្ពៃមួយគីឡូលក់ចេញថ្លៃ ១៥០០ រៀល សម្រាប់ផ្សារមោងឫស្សី។
កសិកររូបនេះ ដំាបន្លៃស្ពៃលើទំហំដីប្រហែលកន្លះហិចតា ឬ ជាង ១០ រង វែងៗ។
អ្នកស្រី បញ្ជាក់ថា ចំពោះពូជស្ពៃទិញពីផ្សារមួយកំប៉ុងថ្លៃ ៣៥០០ រៀល ប៉ុណ្ណោះ។ អ្នកស្រី ដំាស្ពៃចង្កិះ ស្ពៃតឿ និងស្ពៃខ្មៅ ជាដើម។
អ្នកស្រីបន្ថែមថាការទទួលចំណូលពីការលក់ស្ពៃអាចធ្វើអោយជីវភាពគ្រួសារអ្នកស្រីធូធារជាងមុន៕ ឌូង ចន្តា
